ନୂଆଦିଲ୍ଲୀ : ଦେଶରେ ପିଆଜର ମୂଲ୍ୟ ବୃଦ୍ଧି ପାଇ କେଜି ପ୍ରତି ୭୫ରୁ ୧୨୦ଟଙ୍କାରେ ପହଞ୍ଚିଛି। ପିଆଜର ଅହେତୁକ ମୂଲ୍ୟ ବୃଦ୍ଧି ସମସ୍ତଙ୍କ ପାଇଁ ଚିନ୍ତାର କାରଣ ପାଲଟିଛି। ସରକାରଙ୍କ ସମସ୍ତ ପଦକ୍ଷେପ ପ୍ରାୟ ବିଫଳ ହୋଇଥିବା ଅନୁମାନ କରାଯାଉଛି।
ତେବେ ପିଆଜର ମୂଲ୍ୟ ବୃଦ୍ଧିକୁ ନିୟନ୍ତ୍ରଣ କରିବା ପାଇଁ ସରକାର ଆଉ ଏକ ପଦକ୍ଷେପ ନେଇଛନ୍ତି। ଏମଏମଟିସି ମାଧ୍ୟମରେ ତୁର୍କୀରୁ ପିଆଜ ଆମଦାନୀ କରିବା ପାଇଁ ସରକାର ନିଷ୍ପତ୍ତି ନେଇଛନ୍ତି।
ସୂଚନା ଅନୁସାରେ ତୁର୍କୀରୁ ୧୧ ହଜାର ଟନ୍ ପିଆଜ ଆମଦାନୀ କରିବା ପାଇଁ ସରକାର ଏମଏମଟିସି ମାଧ୍ୟମରେ ବରାଦ ଦେଇଛନ୍ତି । ଏମଏମଟିସି ମାଧ୍ୟମରେ ଦ୍ୱିତୀୟଥର ପାଇଁ ଏଭଳି ବରାଦ ଦିଆଯାଇଛି। ପୂର୍ବରୁ ଏମଏମଟିସି ଇଜିପ୍ଟରୁ ୬୦୯୦ ଟନ ପିଆଜ ଆମଦାନୀ କରିବା ପାଇଁ ବରାଦ ଦେଇଥିଲା, ଯାହା ଚଳିତ ମାସର ୨ୟ ସପ୍ତାହରେ ପହଞ୍ଚିବାର ଆଶା କରାଯାଉଛି।
ସୂଚନାଯୋଗ୍ୟ, କେନ୍ଦ୍ରମନ୍ତ୍ରିମଣ୍ଡଳ ଗତ ମାସରେ ୧.୨ ଲକ୍ଷ ଟନ ପିଆଜ ଆମଦାନୀ କରିବା ପ୍ରସ୍ତାବକୁ ମଞ୍ଜୁରୀ ଦେଇଥିଲେ। ଅନ୍ୟ ପକ୍ଷରେ ପିଆଜ ରପ୍ତାନୀ ଉପରେ କଟକଣା ଲାଗୁ କରାଯାଇଛି। ଖୁଚୁରା ବିକ୍ରେତାଙ୍କ ପାଇଁ ପିଆଜ ଭଣ୍ଡାରଣ କ୍ଷମତା ମଧ୍ୟ ବୃଦ୍ଧି କରାଯାଇଛି। ଇଜିପ୍ଟରୁ ୬୦୯୦ ଟନ ପିଆଜ ଚଳିତ ମାସର ୨ୟ ସପ୍ତାହରେ ମୁମ୍ବଇର ଜବାହରଲାଲ ନେହେରୁ ବନ୍ଦରରେ ପହଞ୍ଚିବ।
ପିଆଜ ଦର ନିୟନ୍ତ୍ରଣ ପାଇଁ ସ୍ୱରାଷ୍ଟ୍ରମ ମନ୍ତ୍ରୀ ଅମିତ ଶାହାଙ୍କ ନେତୃତ୍ୱରେ ଏକ ମନ୍ତ୍ରୀ ସ୍ତରୀୟ ଗୋଷ୍ଠୀ ଗଠନ କରାଯାଇଛି। ଏଥିରେ ଅର୍ଥମନ୍ତ୍ରୀ, ଉପଭୋକ୍ତା ବ୍ୟାପାର ମନ୍ତ୍ରୀ, କୃଷି ମନ୍ତ୍ରୀ ଏବଂ ସଡ଼କ ପରିବହନ ମନ୍ତ୍ରୀଙ୍କୁ ସାମିଲ କରାଯାଇଛି।
ପିଆଜ ଚିନ୍ତା : ତୁର୍କୀରୁ ଆସିବ ୧୧ ହଜାର ଟନ୍
Popular Categories
Previous article
Next article