ଧାମରା: ଧାମରା ନିକଟସ୍ଥ କରଞ୍ଜମାଳ ପଞ୍ଚାୟତରେ ଗତକାଲି ବିଳମ୍ବିତ ରାତିରେ ୩ଜଣ ଉଦଭ୍ରାନ୍ତ ଯୁବକ ଜଣେ ମାନସିକ ବିକାରଗ୍ରସ୍ଥ ମହିଳାଙ୍କୁ ଅସଦବ୍ୟବହାର ଦେଖାଇଥିବା ଅଭିଯୋଗ ହୋଇଥିଲା। ସୋମବାର ଏହାର ପ୍ରତିବାଦରେ କରଞ୍ଜମାଳ ପଞ୍ଚାୟତର ଶତାଧିକ ଗ୍ରାମବାସୀ ଏହି ଉସ୍ତୃଙ୍ଖଳିତ ୩ଜଣ ଯୁବକଙ୍କୁ ବାନ୍ଧି ପିଟୁଥିବା ନଜରକୁ ଆସିଥିଲା। ଘଟଣାରୁ ପ୍ରକାଶ ଗତକାଲି ବିଳମ୍ବିତ ରାତିରେ କରଞ୍ଜମାଳ ଛକରେ ଜଣେ ମାନସିକ ବିକରାଗ୍ରସ୍ଥ ମହିଳା ବୁଲିଥିବା ବେଳେ କରଞ୍ଜମାଳ ପଞ୍ଚାୟତର ସୁରେନ୍ଦ୍ର ବାରିକ,ପାଗଳ ଦାସଏବଂ ବୁଦ୍ଧିଆ ମାଝୀ ଏକ ସ୍କୁଟିରେ ଆସି ସେହି ମହିଳାଙ୍କୁ ଖରାପ ବ୍ୟବହାର ଦେଖାଇବା ସହ ବିଚ ରାସ୍ତାରେ ତାକୁ ଟଣାଓଟରା କରିଥିଲେ। ମାନସିକ ବିକାରଗ୍ରସ୍ଥ ମହିଳା ଅନ୍ୟଉପାୟ ନପାଇ ନିକଟସ୍ଥ ଅଜୟ ମାଝୀଙ୍କ ଘରକୁ ଦୌଡି ପଳାଇ ଯାଇଥିଲା। ସେଠାରେ ଏହି ମହିଳାଙ୍କ ଦେହରେ କିଛି ବସ୍ତ୍ର ନଥିବା ଦେଖି ଅଜୟଙ୍କ ପରିବାର ଏକ ଶାଢୀ ଦେଇଥିଲେ। ପରେ ଏହି ୩ଜଣ ଯୁବକଙ୍କୁ ସ୍ଥାନୀୟ ଜନସାଧାରଣ କାହିଁକି ମାନସିକ ବିକାରଗ୍ରସ୍ଥ ମହିଳାଙ୍କୁ ଏପରି ବ୍ୟବହାର କରୁଛ ବୋଲି ପଚାରିବାରୁ ସେମାନେ ଅଭଦ୍ର ଭାଷାରେ ଗ୍ରାମବାସୀଙ୍କୁ ଗାଳିଗୁଲଜ କରିଥିଲେ। ସୋମବାର ସନ୍ଧ୍ୟା ସମୟରେ ଗ୍ରାମବାସୀ ଏକତ୍ରିତ ହୋଇ ଏହି ଉସ୍ତୃଙ୍ଖଳିତ ୩ ଯୁବକଙ୍କୁ ବାନ୍ଧି ପିଟିଥିବା ଜଣାପଡିଛି।
ମାନସିକ ବିକାରଗ୍ରସ୍ଥ ମହିଳାଙ୍କୁ ଅସଦବ୍ୟବହାର ; ୩ ଯୁବକଙ୍କୁ ଖୁଣ୍ଟରେ ବାନ୍ଧି ପିଟିଲେ ଗ୍ରାମବାସୀ
Popular Categories
Previous article
Next article