ନବରଙ୍ଗପୁର : ନବରଙ୍ଗପୁର ଟାଉନ ଥାନା ପୁଲିସ ଗତକାଲି ରାତ୍ରରେ ନବରଙ୍ଗପୁର ସହରରେ ଚାଲିଥିବା ଏକ ଜୁଆଆଡା ଉପରେ ଚଢାଉ କରି ସେଠାରୁ ୯ ଜଣକୁ ଗିରଫ କରିଥିବା ବେଳେ ସେମାନଙ୍କ ଠାରୁ ୩୨ ହଜାର ୫୭୦ ଟଙ୍କା ଜବତ କରିଥିବା ନବରଙ୍ଗପୁର ଥାନା ଅଧିକାରୀ ତାରିକ ଅହମ୍ମଦ ସୂଚନା ଦେଇଛନ୍ତି । ଆଜିର ଏହି ଚଢାଉ ରେ ନବରଙ୍ଗପୁର ଅତିରିକ୍ତ ଥାନା ଅଧିକାରୀ ପ୍ରମିଳା ବିଡ଼ିକା, ଏସଆଇ ରାକେଶ ବେହେରା, ରାଧାକାନ୍ତ ବାରିକ ପ୍ରମୁଖ ସାମିଲ ଥିଲେ । ପ୍ରକାଶ ଥାଉକି ଯେ, ନବରଙ୍ଗପୁର ଜିଲ୍ଲାର ବିଭିନ୍ନ ଥାନା ଅଂଚଳ ତଥା କୋଡୀଙ୍ଗା, ଡାବୁଗାଁ, ଆଦି ସ୍ଥାନ ମାନଙ୍କରେ ପ୍ରଚୁର ପରିମାଣରେ ଜୁଆଆଡା ଚାଲିଥିବା ବେଳେ ପୁଲିସ ପାଖରେ ଖବର ଥାଇ ମଧ୍ୟ ସେମାନଂକୁ ଧରିବାରେ ଅସମର୍ଥ ହୋଇଅଛି । ଜୁଆଡ୍ଡୀ ମାନେ କାଜୁବାଡି, ଜଙ୍ଗଲକୁ ସେମାନଙ୍କ ଆଡ୍ଡା ସ୍ଥଳୀ ଭାବେ ବ୍ୟବହାର କରି ପୁଲିସକୁ ଚକମା ଦେବାରେ ସଫଳ ହେଉଥିବା ବେଳେ ଜୁଆ ଖେଳ ପ୍ରତି ଯୁବକ ମାନେ ଆକୃଷ୍ଟ ହୋଇ ସର୍ବସ୍ୱାନ୍ତ ହୋଇ ଖରାପ ରାସ୍ତା ଆଡକୁ ଯୁବପିଢ଼ି ଗତି କରୁଥିବା ଦେଖାଦେଇଛି । ଏଣୁ ଜିଲ୍ଲା ପୁଲିସ ପକ୍ଷରୁ ଜୁଆ ଆଡ୍ଡା ଗୁଡିକ ଉପରେ ଚଢାଉ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହେଉଛି ।
Comments are closed.