ଭୁବନେଶ୍ୱର: ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଆଉ ୬୩୮ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ସଂଗରୋଧରୁ ୩୭୨ ଓ ସ୍ଥାନୀୟ ସଂକ୍ରମିତ ୨୬୬ ରହିଛନ୍ତି। ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ୧୮ ବର୍ଷରୁ କମ୍ ବୟସର ୯୩ ଜଣ ରହିଛନ୍ତି। ଅନୁଗୁଳ ଜିଲାରେ ୧୭, ବାଲେଶ୍ୱର ୩୩, ବରଗଡ ୭ ଓ ଭଦ୍ରକ ଜିଲାରେ ୧୪ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିଭଳି ବଲାଙ୍ଗୀରରେ ୨, ବଉଦ ୧, କଟକ ୬୬, ଦେବଗଡ ୩, ଢେଙ୍କାନାଳ ୯, ଗଜପତିରେ ୯ ଜଣ ଚିହ୍ନଟ ହୋଇଛନ୍ତି। ଗଞ୍ଜାମରେ ୪, ଜଗତସିଂହପୁର ୨୨, ଯାଜପୁର ୩୨, ଝାରସୁଗୁଡା ୨ ଏବଂ କେନ୍ଦ୍ରାପଡା ଜିଲାରେ ୧୫ ଚିହ୍ନଟ ହୋଇଛନ୍ତି। କେନ୍ଦୁଝର ଜିଲାରେ ୧୪, ଖୋର୍ଦ୍ଧାରେ ୨୪୫, କୋରାପୁଟ ୩, ମାଲକାନଗିରିରେ ୫ ଚିହ୍ନଟ ହୋଇଛନ୍ତି। ନବରଙ୍ଗପୁରରେ ୪, ନୟାଗଡ ୨, ପୁରୀ ୧୮, ରାୟଗଡା ୪, ସମ୍ବଲପୁର ୧୪, ସୋନପୁର ୨, ସୁନ୍ଦରଗଡ ୧୫ ଓ ଷ୍ଟେଟପୁଲରୁ ୫୨ ଚିହ୍ନଟ ହୋଇଛନ୍ତି। ରାଜ୍ୟରେ ସୋମବାର ଦିନକ ମଧ୍ୟରେ ୭୨୭ ଜଣ ସୁସ୍ଥ ହୋଇଛନ୍ତି। ଏଥିସହିତ ରାଜ୍ୟରେ ୬୯୦୦ ସକ୍ରିୟ କରୋନା ରୋଗୀ ରହିଛନ୍ତି।
Comments are closed.