କୋୟମ୍ବଟୁର : ତାମିଲନାଡୁର କୋୟମ୍ବଟୁରରେ ଏକ ବଡ ଧରଣର ସଡକ ଦୁର୍ଘଟଣା ଘଟିଛି । ଏକ ଗାଡି ଭାରସାମ୍ୟ ହରାଇ କେନାଲକୁ ଖସି ପଡିଛି । ଏଥିରେ ଗୋଟିଏ ପରିବାରର ୬ ଜଣଙ୍କ ମୃତ୍ୟୁ ଘଟିଛି । ଏହି ଦୁର୍ଘଟଣା ପ୍ରାୟ ଦିନ ସାଢେ ୧ଟାରେ ଘଟିଥିବା ଜଣାପଡିଛି। ସମସ୍ତ ମୃତଦେହକୁ ପୋଲ୍ଲାଚୀ ଜନେରାଲ ହସ୍ପିଟାଲକୁ ପଠାଯାଇଛି । ମଳିଥିବା ସୂଚନା ଅନୁଯାୟୀ ମୃତକ ମଧ୍ୟରେ ଜଣେ ଶିଶୁ ରହିଛନ୍ତି ।
ପୁଲିସ ସୂଚନା ଅନୁଯାୟୀ, ସହରର ମସକଲିପଲୟମ ନିବାସୀ ଏକ ପରିବାର ପଳାନୀ ପହାଡି ମନ୍ଦିରରୁ ଦର୍ଶନ ସାରି ଫେରୁଥିବା ବେଳେ କେଡିମେଡ୍ଡୁ ନିକଟରେ ଗାଡି ଭାରସାମ୍ୟ ହରାଇ କେନାଲକୁ ଖସିପଡିଥିଲା। ଦୁର୍ଘଟଣା ସମ୍ପର୍କରେ ଜଣାପଡିଲା ପରେ ଘଟଣାସ୍ଥଳରେ ଜିଲାପାଳ ଓ ବରିଷ୍ଠ ପୁଲିସ ଅଧିକାରୀ ପହଞ୍ଚିଛନ୍ତି । ପୁଲିସ ଏକ ମାମଲା ରୁଜୁ କରି ନିଜ ଆଡୁ ତଦନ୍ତ ଆରମ୍ଭ କରିଛି ।
