ପାରଳାଖେମୁଣ୍ଡି: କ୍ବାରେନଣ୍ଟାଇନ ସେଣ୍ଟରରେ ଖାଇବାପିଇବା ଠିକ୍ ଦିଆଯାଉ ନ ଥିବା ଅଭିଯୋଗ କରି ୪ ପ୍ରବାସୀ ପାଚେରୀ ଡ଼େଇଁ ଫେରାର ମାରିଛନ୍ତି । କ୍ବାରେନଣ୍ଟାଇନ ସେଣ୍ଟର ନିକଟରେ ୧୪୪ ଧାରା ଜାରି ସହ ଉଚ୍ଚ ପାଚେରୀ ସତ୍ବେ ଶ୍ରମିକମାନେ କିପରି ପଳାଇଲେ ତାହା ସାଧାରଣରେ ବିସ୍ମୟ ସୃଷ୍ଟି କରିଛି ।
ଘଟଣାଟି ଘଟିଛି କାଶୀନଗର ବ୍ଲକ୍ ଅନ୍ତର୍ଗତ ଅଲଡ଼ା କ୍ବାରେନଣ୍ଟାଇନ କେନ୍ଦ୍ରରେ । ଏହି କେନ୍ଦ୍ରରେ ପ୍ରବାସୀ ଶ୍ରମିକମାନଙ୍କୁ ରଖା ଯାଇଥିଲା । ମାତ୍ର ସେଠାରେ ସେମାନଙ୍କୁ ଖାଇବା ପିଇବା ଠିକ୍ ଦିଆଯାଉ ନ ଥିବା ସେମାନେ ଅଭିଯୋଗ କରିଥିଲେ । ମାତ୍ର କେନ୍ଦ୍ର ଦାୟିତ୍ବରେ ଥିବା ସରପଞ୍ଚ ଓ ଅନ୍ୟ ଅଧିକାରୀମାନେ ଏହାକୁ ଗୁରୁତ୍ବ ଦେଇ ନ ଥିବାରୁ ସେମାନେ ପଳାଇଥିବା ଅଭିଯୋଗ ହୋଇଛି ।
ଖବର ପାଇବା ପରେ ଜିଲାପାଳ ଏହାର ତଦନ୍ତ ନିର୍ଦେଶ ଦେଇଛନ୍ତି ଓ ପୁଲିସ ବିଭିନ୍ନ ସ୍ଥାନ ଖୋଜାଖୋଜି କରିବା ପରେ ସେମାନଙ୍କୁ ତାଙ୍କର ଗାଁରୁ ଠାବ କରାଯାଇଛି । କ୍ବାରେନଣ୍ଟାଇନ କେନ୍ଦ୍ରରେ ଖାଦ୍ୟ ବ୍ୟବସ୍ଥା ସମ୍ପର୍କରେ ଅନୁଧ୍ୟାନ କରିବାକୁ ଜିଲାପାଳ ଅଧିକାରୀଙ୍କୁ ପରାମର୍ଶ ଦେଇଛନ୍ତି ।
