ନୂଆଦିଲ୍ଲୀ: କେନ୍ଦ୍ର ସୂଚନା ପ୍ରସାରଣ ମନ୍ତ୍ରାଳୟ ଯୁଗ୍ମ ସଚିବ ବିକ୍ରମ ସହାୟ ସୂଚନା ଦେଇ କହିଛନ୍ତି ଯେ କେନ୍ଦ୍ର ସରକାରଙ୍କ ପକ୍ଷରୁ ଭାରତ ବିରୋଧୀ ଖବର ପ୍ରସାରଣ ନେଇ ୩୬ ୟୁଟ୍ୟୁବ ଚ୍ୟାନେଲ ବ୍ଲକ କରାଯାଇଛି। ଏହାସହିତ ୨ଟି ଟ୍ବିଟର, ୨ଟି ଇନ୍ଷ୍ଟାଗ୍ରାମ ଆକାଉଣ୍ଟ, ୨ଟି ୱେବସାଇଟ ଓ ଗୋଟିଏ ଫେସବୁକ ଆକାଉଣ୍ଟକୁ ମଧ୍ୟ ବ୍ଲକ କରାଯାଇଛି। ଭାରତ ବିରୋଧୀ ଖବର ପ୍ରସାରଣ ନେଇ ଅଭିଯୋଗ ଆସିବା ପରେ ୩୫ଟି ୟୁଟ୍ୟୁବ, ୨ଟି ଟ୍ବିଟର, ୨ଟି ଇନ୍ଷ୍ଟାଗ୍ରାମ ଆକାଉଣ୍ଟ, ୨ଟି ୱେବସାଇଟ ଓ ଗୋଟିଏ ଫେସବୁକ ଆକାଉଣ୍ଟକୁ କେନ୍ଦ୍ର ସରକାରଙ୍କ ପକ୍ଷରୁ ବ୍ଲକ କରାଯାଇଛି ବୋଲି କେନ୍ଦ୍ର ସୂଚନା ପ୍ରସାରଣ ମନ୍ତ୍ରାଳୟ ଯୁଗ୍ମ ସଚିବ ବିକ୍ରମ ସହାୟ ସୂଚନା ଦେଇଛନ୍ତି।
ଭାରତ ବିରୋଧୀ କାର୍ଯ୍ୟରେ ଲିପ୍ତ ଥିବା ୩୫ଟି ୟୁଟ୍ୟୁବ ଚ୍ୟାନେଲ ବିରୋଧରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି କେନ୍ଦ୍ର ସରକାର। ଏହି ଚ୍ୟାନେଲ ଗୁଡ଼ିକ ଭାରତରେ ମିଥ୍ୟା ତଥ୍ୟ ପ୍ରଚାର କରି ହିଂସା ସୃଷ୍ଟି କରିବାକୁ ଚାହୁଁଥିଲେ। ଏଥିପାଇଁ କେନ୍ଦ୍ର ସରକାର ଏଗୁଡ଼ିକୁ ବ୍ଲକ କରିଛନ୍ତି। ଏଥିସହ କିଛି ଟ୍ୱିଟର, ଫେସବୁକ ଆକାଉଣ୍ଟ ଓ ୱେବସାଇଟ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏହି ସବୁ ଚ୍ୟାନେଲ ଓ ଆକାଉଣ୍ଟଗୁଡ଼ିକ ପାକିସ୍ତାନରୁ ପରିଚାଳିତ ହେଉଥିଲା।
