ପାନାମା ସିଟି: ଆମେରିକାରୁ ନିର୍ବାସନ ଓ ଘରେ ପହଞ୍ଚିବାରେ ଅସମର୍ଥ ସହ ନାନା ସମସ୍ୟା ଦେଇ ଗତି କରୁଥିବା ୩୦୦ ଲୋକ ପାନାମାର ଏକ ହୋଟେଲରେ ଫସି ରହିଛନ୍ତି। ଏହି ୩୦୦ ଲୋକଙ୍କ ମଧ୍ୟରେ ସବୁଠୁ ଅଧିକ ସଂଖ୍ୟକ ଭାରତ ଓ ନେପାଳ, ଶ୍ରୀଲଙ୍କା, ପାକିସ୍ତାନ, ଆଫଗାନିସ୍ତାନ ଏବଂ ଚୀନ୍ର ନାଗରିକ ରହିଛନ୍ତି। ସେମାନଙ୍କ ଫେରିବା ବ୍ୟବସ୍ଥା ନହେବା ପର୍ଯ୍ୟନ୍ତ ସେମାନେ ସମସ୍ତେ ସେଠାରେ ରହିବେ। ଏଥିସହ ସେମାନଙ୍କୁ ହୋଟେଲ ବାହାରକୁ ଯିବାକୁ ଅନୁମତି ନାହିଁ। ସୂଚନା ଅନୁସାରେ, ୪୦%ରୁ ଅଧିକ ପ୍ରବାସୀ ନିଜ ଦେଶକୁ ଫେରିବାକୁ ପ୍ରସ୍ତୁତ ନୁହଁନ୍ତି।
ହୋଟେଲରେ ସମସ୍ତ ପ୍ରବାସୀ ଅତ୍ୟନ୍ତ ଦୟନୀୟ ଅବସ୍ଥାରେ ରହିଛନ୍ତି। ହୋଟେଲରେ ଫସି ରହିଥିବା ଲୋକମାନେ ଝରକା ବାଟେ ବାର୍ତ୍ତା ଲେଖି ସାହାଯ୍ୟ ମାଗିଛନ୍ତି। ପାନାମାର ହୋଟେଲରୁ ଅନେକ ଫଟୋ ସାମ୍ନାକୁ ଆସିଛି, ଯେଉଁଥିରେ ଲୋକମାନେ ହାତରେ ସାଧା କାଗଜରେ ‘ସାହାଯ୍ୟ କରନ୍ତୁ ଏବଂ ଆମେ ଆମ ଦେଶରେ ସୁରକ୍ଷିତ ନୁହେଁ’ ଲେଖି ଠିଆ ହୋଇଛନ୍ତି।
ସୂଚନା ମୁତାବକ, ସମସ୍ତ ପ୍ରବାସୀ ୧୦ ଟି ଏସୀୟ ଦେଶରୁ ଆସିଛନ୍ତି, ଯେଉଁଥିରେ ଇରାନ, ଭାରତ, ନେପାଳ, ଶ୍ରୀଲଙ୍କା, ପାକିସ୍ତାନ, ଆଫଗାନିସ୍ତାନ ଏବଂ ଚୀନ୍ର ଲୋକ ଅଛନ୍ତି। ଏହି ଦେଶମାନଙ୍କୁ ସିଧାସଳଖ ନିର୍ବାସନ କରିବା ଆମେରିକା ପାଇଁ କଷ୍ଟସାଧ୍ୟ, ତେଣୁ ପାନାମାକୁ ଏକ ରହଣି ସ୍ଥାନ ଭାବେ ବ୍ୟବହାର କରାଯାଉଛି।
