ଡେସ୍କ: ଖୋଲା ବଜାର ବିକ୍ରୟ ଯୋଜନା ଅଧୀନରେ ୧୩ଟି ଇ-ନିଲାମ ମାଧ୍ୟମରେ କେନ୍ଦ୍ର ସରକାରଙ୍କ ଦ୍ୱାରା ୧୮ ଲକ୍ଷ ୯ ହଜାର ମେଟ୍ରିକ୍ ଟନ୍ ଗହମ ବିକ୍ରି କରାଯାଇଛି। ଭାରତୀୟ ଖାଦ୍ୟ ନିଗମ – ଏଫସିଆଇ ଓପନ୍ ମାର୍କେଟ୍ ବିକ୍ରୟ ଯୋଜନା ଅଧୀନରେ ସାପ୍ତାହିକ ଇ-ନିଲାମ ମାଧ୍ୟମରେ ଗହମ କ୍ୱିଣ୍ଟାଲ ପିଛା ୨ ହଜାର ୧୨୫ ଟଙ୍କା ମୂଲ୍ୟରେ ଉପଲବ୍ଧ କରାଉଛି। ଏହି ମୂଲ୍ୟ ଗହମର ବର୍ତ୍ତମାନର ସର୍ବନିମ୍ନ ସମର୍ଥନ ମୂଲ୍ୟ ସହିତ ସମାନ। ଗହମ ଏବଂ ମଇଦାର ଖୁଚୁରା ମୂଲ୍ୟକୁ ନିୟନ୍ତ୍ରଣରେ ରଖିବା ପାଇଁ ସରକାର ଏହି ପଦକ୍ଷେପ ନେଇଥିବା ଜଣାପଡିଛି।
୨୦୨୩-୨୪ ବର୍ଷରେ ଏପର୍ଯ୍ୟନ୍ତ ଏହି ଯୋଜନା ଅଧୀନରେ ୧୩ଟି ଇ-ନିଲାମ କରାଯାଇଛି। ଦେଶର ୪୮୦ରୁ ଅଧିକ ଡିପୋରେ ପ୍ରତି ସପ୍ତାହରେ ଦୁଇ ଲକ୍ଷ ମେଟ୍ରିକ୍ ଟନ୍ ଗହମ ନିଲାମ କରାଯାଉଛି।
