ବେଜିଂ – ଚୀନ୍ର ହେଇଲିଓନ୍ଜିଜାଙ୍ଗରେ ଥିବା କୋଇଲା ଖଣିରେ ଦୁର୍ଘଟଣା ଘଟି ୧୧ ଜଣ ଶ୍ରମିକଙ୍କର ମୃତ୍ୟୁ ହୋଇଛି । ମଙ୍ଗଳବାରରେ କୋଇଲା ଖଣିରେ ଦୁର୍ଘଟଣା ଘଟିଥିଲା । ସେଠାକାର ସ୍ଥାନୀୟ ସମୟ ୨.୩୦ ଅପରାହ୍ନରେ ଏହି ଘଟଣା ଘଟିଥିଲା । ଚାପ ଯୋଗୁଁ ଖଣି ଧସିଯାଇଥିଲା । ସନ୍ଧ୍ୟା ସୁଦ୍ଧା ୧୧ ଜଣ ଶ୍ରମିକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଏବେ ସେଠାରେ ଉଦ୍ଧାର କାର୍ଯ୍ୟ ଚାଲିଥିଲ ମଧ୍ୟ ତାପମାତ୍ର ବିଯୁକ୍ତ ୧୭ ଡିଗ୍ରୀକୁ ଖସିଯାଇଛି । ଏଥିଯୋଗୁଁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଛି ।
ଗତ ବର୍ଷ ଚୀନ୍ର ବିଭିନ୍ନ ଖଣିରେ ୧୬୮ଟି ଦୁର୍ଘଟଣା ଘଟିଥିଲା । ଏଥିରେ ୨୪୫ ଜଣଙ୍କର ମୃତ୍ୟୁ ହୋଇଥିଲା । ଚୀନ୍ରେ ଗତ କିଛି ବର୍ଷ ଧରି ଖଣିରେ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଉଛି । ମାତ୍ର ଏଠାରେ ଖଣିରେ ବହୁ କଷ୍ଟରେ ଶ୍ରମିକମାନେ ବିପଦଜନକ ଅବସ୍ଥାରେ କାମ କରନ୍ତି । ବିଭିନ୍ନ ଖଣିରେ ଦୁର୍ଘଟଣା ଘଟୁଥିଲେ ମଧ୍ୟ ପ୍ରକୃତ ତଥ୍ୟ ବାହାରକୁ ଆସି ନଥାଏ ।
Comments are closed.