ସମାଜ ଡିଜିଟାଲ ଡେସ୍କ: ଆଜି ପ୍ରତିଟି ଓଡ଼ିଆଙ୍କ ପ୍ରିୟ ଖବର କାଗଜ ‘ସମାଜ’ର ୧୦୬ତମ ପ୍ରତିଷ୍ଠା ଦିବସ । ଦୈନିକ ଓଡ଼ିଆ ଖବରକାଗଜ ସମାଜ ଆଜି ସଫଳତାର ସହିତ ୧୦୬ବର୍ଷ ଅତିକ୍ରମ କରିଛି । ସତ୍ୟ ହିଁ ‘ସମାଜ’ର ମୂଳଦୁଆ । ନିର୍ଭୀକତା ଓ ବିଶ୍ୱସନୀୟତା ହିଁ ଆମ ଖବରର ମେରୁଦଣ୍ଡ ।
ଦୀର୍ଘ ୧୦୬ବର୍ଷ ଧରି ଉତ୍କଳମଣି ଗୋପବନ୍ଧୁ ଦାସଙ୍କ ଆଦର୍ଶ, ଓଡ଼ିଶାର କଣ୍ଠସ୍ୱର ‘ସମାଜ’ ନିରବିଚ୍ଛନ୍ନ ଭାବେ ଗରଣତନ୍ତ୍ରର ଚତୁର୍ଥ ସ୍ତମ୍ଭ ରୂପେ ତଥ୍ୟ, ସୂଚନା, ଘଟଣା ସମ୍ପର୍କରେ ଅବିରତ ତଥା ଅବିଚଳିତ ସେବା ଯୋଗାଇ ଆସୁଛି ।
ସମାଜସେବା ଆମର ଧର୍ମ, ନିରପକ୍ଷ ଖବର ଆମର କର୍ମ । ପ୍ରତିଟି ଖବରରେ ସତ୍ୟତା, ପ୍ରତିଟି ମଣିଷ ପାଇଁ ସମଭାବ ଆମ ନୀତି ଓ ନିୟମ । ପ୍ରତିଟି ଓଡ଼ିଆର ସୁଖ ଦୁଃଖର ସାଥୀ ‘ସମାଜ’ ଏକ ଖବର କାଗଜ ନୁହେଁ ଏକ ଶତାୟୁ ବିଶ୍ୱସ୍ତ ଅନୁଷ୍ଠାନ । ଏବେ ଛାପା ‘ସମାଜ’ ସହ ପ୍ରଯୁକ୍ତିର ପ୍ରୟୋଗ ଆପଣଙ୍କ ମୋବାଇଲରେ ପହଞ୍ଚାଉଛି ‘ଡିଜିଟାଲ ସମାଜ’ । ପ୍ରତିଟି ଓଡ଼ିଆ ପରିଚୟ ସମାଜ । ଆପଣଙ୍କ ସହିତ ଓ ଆପଣଙ୍କ ପାଇଁ । ୧୦୬ ତମ ସ୍ୱନକ୍ଷତ୍ର ଅବସରରେ ସମସ୍ତ ପାଠକ-ପାଠିକା , ବିଜ୍ଞାପନଦାତା, ବିତରକ ଓ ଶୁଭେଚ୍ଛୁମାନଙ୍କୁ ବିଶେଷ ଅଭିନନ୍ଦନ ଓ କୃତଜ୍ଞତା ।
