ରେଙ୍ଗାଲିକ୍ୟାମ୍ପ : ଅତାବିରା ବ୍ଲକ କାଦୋବାହାଲରେ ଆଜି ସୁରେଶ ରାଉତିଆ(୩୦) ନାମକ ଜଣେ ବ୍ୟକ୍ତି ଗୋମାଂସ ବିକ୍ରୀ କରୁଥିବା ନେଇ ପୋଲିସ ତାଙ୍କୁ ଗିରଫ କରିଛି।
ବିଶ୍ୱାସ ସୂତ୍ରରୁ ଜଣା ପଡ଼ିଛି ଯେ, ସୁରେଶ ରାଉତିଆ ନାମକ ଜଣେ ବ୍ୟକ୍ତି ଗୋଟିଏ ବାଛୁରୀକୁ ମାରି ତାର ମାଂସ ବିକ୍ରୀ କରିବାକୁ ଉଦ୍ୟମ କରୁଥିବା ବେଳେ ବଜରଙ୍ଗ ଦଳ ଓ ଅତାବିରା ପୋଲିସ ପହଞ୍ଚି ମାଂସ ଜବତ କରି ସଂପୃକ୍ତ ବ୍ୟକ୍ତିଙ୍କୁ ଗିରଫ କରିଛନ୍ତି । ଭାରତ ଭଳି ଦେଶରେ ସନାତନ ଧର୍ମକୁ ମାନ୍ୟତା ଦେଇ ତାରି ଆଦର୍ଶରେ ଅନୁପ୍ରାଣିତ ହେବାପାଇଁ ଆମ ସଂସ୍କୃତିକୁ ମାନିବା। ଯେଉଁ ଦେଶରେ ଗାଈକୁ ଗୋମାତା ବୋଲି ପୂଜା କରାଯାଏ ସେଇ ଦେଶର ସଂସ୍କୃତି ଗୋହତ୍ୟାକୁ ବିରାଟ ଅପରାଧ ବୋଲି କୁହାଯାଇଛି। କିନ୍ତୁ ସେଇ ନୀତିକୁ ଉଲ୍ଲଘଂନ କରି ଆଜି ଗୋମାଂସ ବିକ୍ରି କରିବା ଭଳି ଅପରାଧ କରିବା କଥା ଅଞ୍ଚଳରେ ଚର୍ଚ୍ଚାର ବିଷୟ ହେଉଛି ପୋଲିସ ଏ ନେଇ କେସ ନମ୍ୱର୍୧୫୯ ରେ ଏକ କେସ ରୁଜୁ କରିଛି ।
ପ୍ରକାଶ ଥାଉକି ଆଗରୁ ମଧ୍ୟ ତାଳପଦର୍ ଟିକ୍ରାରେ ଗୋମାଂସ ବିକ୍ରି କରାଯାଉଥିବା ନେଇ ଅଭିଯୋଗ ଆସିଥିଲା। ତେବେ ଆଜି କାଦୋବାହାଲ ରେ ଏହା ଧରାପଡ଼ି ଲୋକ ଲୋଚନକୁ ଆସିଛି।
