ଶ୍ରୀନଗର : ଜାମ୍ମୁ-କାଶ୍ମୀରର ପୁଲୱାମା ଜିଲାରେ ବୁଧବାର ସୁରକ୍ଷାକର୍ମୀଙ୍କ ସହିତ ଗୁଳିବିନିମୟରେ ଜଣେ ଆତଙ୍କବାଦୀ ପ୍ରାଣ ହରାଇଛି। ପୁଲିସ କହିବା ଚକୂରା ଗ୍ରାମର ଲିଟେର ଅଞ୍ଚଳରେ ସୁରକ୍ଷାକର୍ମୀମାନେ ତଲାସ ଅଭିଯାନ ଚଳାଇଥିବାବେଳେ ଏହି ଗୁଳିବିନିମୟ ହୋଇଥଇଲା। ଏହି ଗୁଳିବିନିମୟ ସମୟରେ ସାଧାରଣ ଲୋକେ ସୁରକ୍ଷାକର୍ମୀଙ୍କୁ ବିରୋଧ କରିଥିଲେ। ଅନ୍ୟ ଏକ ଘଟଣାରେ ଆତଙ୍କବାଦୀମାନେ କୁଲଗାଓଁରେ ଥିବା ସିଆରପିଏଫର ଏକ ଶିବିର ଉପରକୁ ଗ୍ରେନେଡ ମାଡ କରିଛନ୍ତି। ଏଥିରେ ଜଣେ ଯବାନ ଆହତ ହୋଇଥିବାବେଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
