ସମାଜ ଡିଜିଟାଲ ଡେସ୍କ: ଛତିଶଗଡ ଅମ୍ବିକାପୁର ମେଡିକାଲ କଲେଜରେ ଅଭାବନୀୟ ଘଟଣା ଘଟିଛି । ଯେଉଁଠାରେ ଚିକିତ୍ସା ବଦଳରେ ଝଡାଫୁଙ୍କା ଓ ଜଡିବୁଟି ଦେଇ ଚିକିତ୍ସା କରିବା ଦ୍ୱାରା ଜଣେ ଯୁବକଙ୍କ ଜୀବନ ଯାଇଛି । ସୂଚନା ଅନୁଯାୟୀ ବଳରାମପୁର ଜିଲାର ବାସିନ୍ଦା ୨୨ବର୍ଷୀୟ ଅଭିନାଶ ଲାକ୍ରାଙ୍କୁ କୁକୁର କାମୁଡି ଦେଇଥିଲା । କିନ୍ତୁ ସେ ଠିକ୍ ସମୟରେ ଡାକ୍ତରଖାନା ଯାଇ ଆଣ୍ଟି-ରେବିଜ୍ ଇଞ୍ଜେକସନ ଦେଇନଥିଲେ । ବରଂ ସେ ଝଡାଫୁଙ୍କା ଏବଂ ଜଡିବୁଟି ସାହାଯ୍ୟରେ ଚିକିତ୍ସା କରିଥିଲେ ।
ପରିବାର ଲୋକଙ୍କ କହିବା ଅନୁଯାୟୀ ଅଭିନାଶଙ୍କୁ କୁକୁର କାମୁଡିବା ପରେ ସେ ଜଣେ ବାବାଙ୍କ ପାଖକୁ ଯାଇଥିଲେ । ସେ ଝଡାଫୁଙ୍କା କରିବା ପରେ କିଛି ଜଡିବୁଟି ଦେଇଥିଲେ । ବାବାଙ୍କ ଏଭଳି କାରାନାମା ସଭିଁଙ୍କୁ ଆଶ୍ଚର୍ଯ୍ୟ କରିଛି । ଯୁବକଙ୍କ ଅବସ୍ଥା ଏହାପରେ ସଂକଟାପନ୍ନ ହେବା ସହିତ ତାଙ୍କର ମୃତ୍ୟୁ ହୋଇଛି । ଅଭିନାଶଙ୍କ ମୃତ୍ୟୁ ପରେ ପରିବାର ସଦସ୍ୟ ଏଭଳି ବାବାମାନଙ୍କ ପାଖକୁ ନଯିବାକୁ ଲୋକଙ୍କୁ ଅପିଲ୍ କରିଛନ୍ତି । କୁକୁର କାମୁଡିବା ମାତ୍ରେ ବିଳମ୍ବ ନକରି ତୁରନ୍ତ ହସ୍ପିଟାଲ ଯାଇ ଚିକିତ୍ସା କରିବା ଉଚିତ ।
ଅନ୍ଧବିଶ୍ୱାସ: କୁକୁର କାମୁଡିବା ପରେ ଝଡାଫୁଙ୍କା, ଚାଲିଗଲା ଯୁବକଙ୍କ ଜୀବନ
Popular Categories
Previous article
Next article