ସୁଆଣ୍ଡୋ:ସୁସ୍ଥ ଓ ନିରାମୟ ଜୀବନଜାପନ କରିବାପାଇଁ ଯୋଗର ଆବଶ୍ୟକତା ରହିଛି। ଭାରତରୁ ଉତ୍ପତି ହୋଇଥିବା ଯୋଗ ବର୍ତ୍ତମାନ ସାରା ବିଶ୍ୱରେ ଆଦୃତ ଲାଭ କରିଛି। ସମଗ୍ର ବିଶ୍ୱ ଯୋଗର ଉପଯୋଗିତାକୁ ଅନୁଭବ କରି ବିଶ୍ୱ ଯୋଗ ଦିବସ ମଧ୍ୟ ପାଳନ କରୁଛି। ଛାତ୍ରଛାତ୍ରୀ ମାନଙ୍କୁ ଯୋଗର ଉପଯୋଗିତା ଏବଂ ଆବଶ୍ୟକତାକୁ ଅନୁଭବ କରି ପୁରୀ ଜିଲ୍ଲା ସୁଆଣ୍ଡୋ ଅନ୍ତର୍ଗତ ଗଙ୍ଗା ନାରୟଣପୁର ହରଚଣ୍ଡି ଉଚ୍ଚ ବିଦ୍ୟାପିଠରେ ପ୍ରତି ଶନିବାର ଯୋଗ ଶିକ୍ଷା ପ୍ରଦାନ କରାଯାଉଛି।ପ୍ରଧାନ ଶିକ୍ଷକ ମନୋରଞ୍ଜନ ମିଶ୍ର ବିଦ୍ୟାଳୟର ୧୦୦ରୁ ଉର୍ଦ୍ଧ ଛାତ୍ରଛାତ୍ରୀଙ୍କୁ ଯୋଗ ପ୍ରଶିକ୍ଷଣ ଦେଉଛନ୍ତି।
ସ୍କୁଲର ଅନ୍ୟ ଶିକ୍ଷକ ରଶ୍ମିରଞ୍ଜନ ଷଡଙ୍ଗୀ ,ବସନ୍ତ ମହାରଣା ଏବଂ ଶିକ୍ଷୟତ୍ରୀ ସୁଲେଖା ମିଶ୍ର ପ୍ରମୁଖ ପ୍ରଧାନ ଶିକ୍ଷକଙ୍କୁ ଏହି ଯୋଗ ପ୍ରଶିକ୍ଷଣ କାର୍ଯ୍ୟରେ ସହଯୋଗ କରୁଛନ୍ତି। ହରଚଣ୍ଡି ଉଚ୍ଚ ବିଦ୍ୟାପିଠର ଏଭଳି ଏକ କାର୍ଯ୍ୟକୁ ଉତ୍କଳ ସ୍ୱାଭିମାନ ମଞ୍ଚ ,ଗୋପବନ୍ଧୁ ସ୍ମୃତି ପରିଷଦ ଏବଂ ସ୍କୁଲର ସମସ୍ତ ଅଭିଭାବକ ପ୍ରଶଂସା କରିବା ସହ ଖୁସି ବ୍ୟକ୍ତ କରିଛନ୍ତି।
Comments are closed.