ମସ୍କୋ: ମଦ ସରିଗଲା ତ ବୁଝିଲା ନାହିଁ ମନ । ଶେଷରେ ପାର୍ଟିରେ ସାନିଟାଇଜର ପିଇଲେ । ଆଉ ଏଥିରେ ୭ ଜଣ ଲୋକଙ୍କ ଜୀବନ ଗଲା । ଘଟଣାଟି ଘଟିଛି ରୁଷର ତାତିନସ୍କି ଜିଲାର ଟୋମାଟୋ ଅଞ୍ଚଳରେ ।
ଘଟଣାଟି ଏମିତି । ଟୋମାଟୋ ଅଞ୍ଚଳରେ କିଛି ଲୋକ ଭୋଜିଭାତ କରୁଥିଲେ । ଚାଲିଥିଲା ପାର୍ଟି । ପାର୍ଟି ଯେଉଁଠି ଚାଲିଥିବ ସେଠି ମଦ ତ ଥିବ ହିଁ ଥିବ । ଲୋକମାନେ ମଦ ପିଇ ଚାଲିଲେ । ଆଉ ଯେତେବେଳେ ମଦ ସରିଗଲା, ସେତେବେଳେ ନିଶାରେ ହାତ ସଫା ଲାଗି ଥିବା ସାନି ଟାଇଜର ପିଇଲେ ।
- Advertisement -
ଏହି ସାନିଟାଇଜରରେ ୬୯ ପ୍ରତିଶତ ମିଥାନୋଲ ରହିଥିଲା ଯାହା ମହାମାରୀ ସମୟରେ ହ୍ୟାଣ୍ଡ କ୍ଲିନର୍ ଭାବରେ ବିକ୍ରି ହେଉଥିଲା। ଏହାକୁ ପିଇବା ପରେ ଘଟଣାସ୍ଥଳରେ ୩ ଜଣଙ୍କର ମୃତ୍ୟୁ ଘଟିଥିଲା ଓ କିଛି ଲୋକ ଅସୁସ୍ଥ ହୋଇଥିଲେ । ସେମାନଙ୍କୁ ଡ଼ାକ୍ତରଖାନା ନିଆଯାଇଥିଲା, ସେଠାରେ ଆଉ ୪ ଜଣ ମୃତ୍ୟୁବରଣ କରିଥିଲେ । ଫେଡେରାଲ ଜନସ୍ୱାସ୍ଥ୍ୟ ନିରୀକ୍ଷକ ରୋସପୋଟ୍ରେବନାଡଜୋରଙ୍କ ସୂଚନା ଅନୁସାରେ ସାନିଟାଇଜରରେ ବିଷାକ୍ତ ପଦାର୍ଥ ଥିବାରୁ ଲୋକମାନଙ୍କର ମୃତ୍ୟୁ ଘଟିଛି ।
