କୋଭିଡ଼ ଟୀକାକୁ ନେଇ ପୁଣି ପ୍ରଧାନମନ୍ତ୍ରୀଙ୍କ ନିଶାଣ କଲେ ରାହୁଳ ଗାନ୍ଧୀ

ନୂଆଦିଲ୍ଲୀ: ଗୁରୁବାର କଂଗ୍ରେସ ସାଂସଦ ରାହୁଳ ଗାନ୍ଧୀ ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନିଶାଣ କରିଛନ୍ତି । ସେ କୋଭିଡ଼ ୧୯ ଟୀକା ସମସ୍ତଙ୍କୁ ଦିଆଯିବ କି ନାହିଁ ପ୍ରଶ୍ନ କରିଛନ୍ତି । ଟ୍ବିଟରରେ ସେ ଲେଖିଛନ୍ତି ଯେ କୋଭିଡ଼ ଟୀକା ସମସ୍ତଙ୍କୁ ଦିଆଯିବା ପ୍ରସଙ୍ଗରେ ପ୍ରଧାନମନ୍ତ୍ରୀ ନିଜର ସ୍ଥିତି ସ୍ପଷ୍ଟ କରନ୍ତୁ ।

ବିହାର ନିର୍ବାଚନ ସମୟରେ ପ୍ରଧାନମନ୍ତ୍ରୀ ସମସ୍ତଙ୍କୁ ମାଗଣା ଟୀକା ଦିଆଯିବ ବୋଲି କହିଥିଲେ । ସେଠି ତ ଏନଡ଼ିଏ ସରକାର ଆସିଛି, ତେଣୁ ବିହାରର ସମସ୍ତଙ୍କୁ ମାଗଣାରେ  ଟୀକା ମିଳିବ କି ନାହିଁ ବୋଲି ପ୍ରଧାନମନ୍ତ୍ରୀ କହନ୍ତୁ ବୋଲି ରାହୁଳ ଟ୍ବିଟରେ ଆହ୍ବାନ ଦେଇଛନ୍ତି ।

PM- Everyone will get vaccine.

BJP in Bihar elections- Everyone in Bihar will get free vaccine.

Now, GOI- Never said everyone will get vaccine.

Exactly what does the PM stand by?

— Rahul Gandhi (@RahulGandhi) December 3, 2020

ଅନ୍ୟପକ୍ଷରେ ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ଏକ ଗଣମାଧ୍ୟମରେ ସୂଚନା ଦେଇ କହିଛନ୍ତି ଯେ ଦେଶର ସମଗ୍ର ଜନସଂଖ୍ୟାକୁ କୋଭିଡ଼ ଟୀକାକରଣର ଆବଶ୍ୟକତା ହୋଇ ନପାରେ । ମୁଁ ଏହା ସ୍ପଷ୍ଟ କରିବାକୁ ଚାହୁଁଛି ଯେ ସରକାର ସମଗ୍ର ଦେଶକୁ ଟୀକାକରଣ ବିଷୟରେ କେବେ କହିନାହାଁନ୍ତି। ଏହା ଗୁରୁତ୍ୱପୂର୍ଣ୍ଣ ଯେ ଆମେ କେବଳ ପ୍ରକୃତ ତଥ୍ୟ ଉପରେ ଆଧାର କରି ଏଭଳି ବୈଜ୍ଞାନିକ ବିଷୟ ଉପରେ ଆଲୋଚନା କରିବା ଏବଂ ପରେ ଏହାର ବିଶ୍ଳେଷଣ କରିବା ବୋଲି କହିଛନ୍ତି ।