ନୂଆଦିଲ୍ଲୀ : ଟ୍ରେନ୍ରେ ଯାତ୍ରା କରିବା ସମୟରେ ପିଲାଙ୍କ ଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ସମସ୍ତେ ଝରକା ନିକଟ ସିଟ୍ରେ ବସିବାକୁ ପସନ୍ଦ କରନ୍ତି। ଝରକା ନିକଟରେ ବସିବା ସମୟରେ ବାହାରର ଦୃଶ୍ୟ ଦେଖିବାକୁ ମିଳିଥାଏ । ସତେଜ ପବନ ମଧ୍ୟ ମିଳିଥାଏ । ଅଧିକାଂଶ ଲୋକେ ଝରକା ନିକଟରେ ବସିବା ସହ ମୋବାଇଲ୍ ଫୋନ୍ ମଧ୍ୟ ବ୍ୟବହାର କରନ୍ତି ଓ ଚୋରକୁ ନିମନ୍ତ୍ରଣ କରନ୍ତି। ନିକଟରେ ଏଭଳି ହିଁ ଏକ ଘଟଣା ସୋସିଆଲ ମିଡିଆରେ ବେଶ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି।
Rail में बैठते समय सावधानी बरतें, आजकल फोन चोरी वाली घटनाएं कुछ ज्यादा बढ़ रही हैं pic.twitter.com/ZoNLU37y4y
— Nisha (@y_iamcrazyy) October 1, 2024
ଭିଡିଓରେ ଦେଖିପାରିବେ, ଏକ ଶିଶୁ ଝରକା ପାଖ ସିଟ୍ରେ ବସି ଫୋନ୍ ଦେଖୁଛନ୍ତି । ନିକଟରେ ଆଉ ଜଣେ ଶିଶୁ ମଧ୍ୟ ଅଛନ୍ତି । ଠିକ୍ ସେହି ସମୟରେ ଜଣେ ବ୍ୟକ୍ତି ଝରକା ନିକଟକୁ ଆସି ପିଲାଟି ହାତରୁ ଫୋନ୍ ଛଡାଇ ନେଉଛନ୍ତି । ପିଲାଟି ଏହା ପରେ ଖୁବ୍ ଜୋରରେ ପାଟି କରୁଛି । ମାତ୍ର କେଇ ସେକେଣ୍ଡରେ ଚୋର ପିଲାଟି ହାତରୁ ଫୋନ୍ ନେଇ ଫେରାର୍ ହୋଇ ଯାଉଛି । କିଛି ଲୋକେ ଏହାର ଭିଡିଓ ରେକର୍ଡ କରିଥିବା ଜଣାପଡିଛି।
୧୦ ଅକ୍ଟୋବରରରୁ ଏହି ରାଶିଙ୍କୁ ଭାଗ୍ୟଶାଳୀ କରିବ ବୁଧଙ୍କ ରାଶି ପରିବର୍ତ୍ତନ..
ଏହି ଭିଡିଓକୁ ୧ ଅକ୍ଟୋବରରେ ଶେୟାର କରାଯାଇଛି। ବର୍ତ୍ତମାନ ଫୋନ୍ ଚୋରି ହେବା ଘଟଣା ବୃଦ୍ଧି ପାଇବାରେ ଲାଗିଛି । ଭିଡିଓଟି କେଉଁ ସ୍ଥାନର ତାହାର ସ୍ପଷ୍ଟତା ମିଳିନାହିଁ । ଭିଡିଓକୁ ଏଯାଏଁ ଲକ୍ଷ ଲକ୍ଷ ଲୋକେ ଦେଖି ସାରିଲେଣି । ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
