କଲମପୁର: କଲମପୁର ଜୁନାଗଡ଼ ମୁଖ୍ୟ ରାସ୍ତା ଏବେ ଦୁର୍ଘଟଣା ପ୍ରବଣ ଅଞ୍ଚଳ ଭାବେ ପରିଚିତ। ତେଣୁ ମଙ୍ଗଳବାର କଳାହାଣ୍ଡି ଆଞ୍ଚଳିକ ପରିବହନ ବିଭାଗ ପକ୍ଷରୁ ଶୂନ୍ୟ ସହନଶିଳତା ଦିବସ ପାଳନ ନେଇ କଲମପୁର ଜୁନାଗଡ଼ ମୁଖ୍ୟ ରାସ୍ତାର କଲମପୁର ନିକଟରେ ଯାନବାହାନ ଯାଞ୍ଚ କରାଯାଇଥିଲା। ଏଥିରେ ପରିବହନ ନିୟମ ଉଲ୍ଲଂଘନ କରି ଗାଡି ଚାଳନା କରୁଥିବା ୫୨ ଜଣଙ୍କଠାରୁ ସର୍ବମୋଟ ୨ଲକ୍ଷ ୫୯ହଜାର ଟଙ୍କା ଜରିମାନା ଆଦାୟ କରାଯାଇଛି। ଏହାସହ ବାଇକ ଚାଳକମାନଙ୍କୁ ହେଲମେଟ ପିନ୍ଧିବା ଏବଂ କାର ଚାଳକଙ୍କ ପାଇଁ ସିଟ୍ ବେଲ୍ଟ ପରିଧାନ ପାଇଁ ନିବେଦନ କରାଯାଇଥିଲା। ଏପରିକି ମଦ୍ୟପାନ ଯୋଗୁଁ ରୀତିମତ ଦୁର୍ଘଟଣା ଘଟୁଥିବାରୁ ଏନେଇ ଚାଳକଙ୍କୁ ସଚେତନ କରାଯାଇଥିଲା। ଏମ.ଭି.ଆଇ ରାମକୃଷ୍ଣ ମାଝୀଙ୍କ ନେତୃତ୍ୱରେ ଏହି ଯାଞ୍ଚ କାର୍ଯ୍ୟ କରାଯାଇଥିଲା। ବିଭାଗୀୟ କର୍ମଚାରୀ ସକ୍ରିୟ ସହଯୋଗ କରିଥିଲେ। ବିନା ହେଲମେଟରେ ବାଇକ ଚଳାଉଥିବା ୨୧ ଜଣଙ୍କ ସମେତ ଇନ୍ସୁରାନ୍ସ ନଥିବା ୧୨ ଗୋଟି ଗାଡିର ଚାଳକ, ଲାଇସେନ୍ସ ନଥାଇ ଗାଡି ଚଳାଉଥିବା ୧୪ ଜଣ, ମଦ୍ୟପାନ କରି ଗାଡି ଚାଳନା କରୁଥିବା ୩ ଜଣ ଏବଂ ଅନ୍ୟ ପରିବହନ ନିୟମ ଉଲ୍ଲଂଘନ କରିଥିବା ୨ଜଣଙ୍କ ସହ ସର୍ବମୋଟ ୫୨ ଜଣଙ୍କଠାରୁ ୨ ଲକ୍ଷ ୫୯ ହଜାର ଟଙ୍କାର ଚାଳାଣ କଟାଯାଇ ଜରିମାନା ଆଦାୟ କରାଯାଇଛି। ଏହି ଯାନ ବାହାନ ଯାଞ୍ଚ ନେଇ ଖବର ପ୍ରଚାରିତ ହେବା ପରେ ରାସ୍ତାର ଉଭୟ ପାର୍ଶ୍ବରେ ଅନେକ ଲୋକ ଅଟକି ରହିଥିଲେ।
Popular Categories
Previous article
Next article