ହୋଟେଲରେ ରହିବେ କରୋନା ସଂକ୍ରମିତ; ପ୍ରତ୍ୟେକ ଜିଲାରେ ଅନ୍ୟୂନ ଗୋଟିଏ

ଲକ୍ଷ୍ନୌ : ଉତ୍ତରପ୍ରଦେଶରେ କରୋନା ସଂକ୍ରମିତ ରହିବେ ହୋଟେଲରେ । ପ୍ରତି ଜିଲାସ୍ତରରେ ଅନ୍ୟୂନ ଗୋଟିଏ ହୋଟେଲକୁ ସଂକ୍ରମିତଙ୍କ ନିମନ୍ତେ ସଂରକ୍ଷିତ ରଖାଯିବ । ଉତ୍ତରପ୍ରଦେଶ ପ୍ରମୁଖ୍ ସ୍ୱାସ୍ଥ୍ୟ ସଚିବ ଅମିତ ମୋହନ ପ୍ରସାଦ ଜିଲ୍ଲାପାଳମାନଙ୍କୁ ପତ୍ର ଲେଖି ରାଜ୍ୟର ପ୍ରତ୍ୟେକ ଜିଲ୍ଲାରେ ଅତି କମରେ ଗୋଟିଏ ହୋଟେଲକୁ ଅତି ସାମାନ୍ୟ କିମ୍ବା କୌଣସି ଲକ୍ଷଣ ନଥିବା ରୋଗୀଙ୍କ ପାଇଁ କୋଭିଡ କେୟାର ସେଣ୍ଟରରେ ପରିଣତ କରିବାକୁ ନିର୍ଦେଶ ଦେଇଛନ୍ତି ।
ତେବେ ସ୍ୱାସ୍ଥ୍ୟ ସଚିବ ଲେଖିଥିବା ଚିଠି ଅନୁଯାୟୀ ରୋଗୀଙ୍କୁ ଏହି କେନ୍ଦ୍ର ଗୁଡ଼ିକରେ ରହିବା ଖର୍ଚ୍ଚ ବହନ କରିବାକୁ ପଡିବ।
ଏହି ଚିଠିରେ ପ୍ରମୁଖ୍ ସ୍ୱାସ୍ଥ୍ୟ ସଚିବ ଜିଲ୍ଲାପାଳମାନଙ୍କୁ ଲେଖିଛନ୍ତି ଯେ ଏହି କେନ୍ଦ୍ରଗୁଡ଼ିକରେ ରହିବା ପାଇଁ ଦୈନିକ ଦେୟ ୨,୦୦୦ରୁ ଅଧିକ ଟଙ୍କା ହେବ ନାହିଁ ଏବଂ ଗୋଟିଏ କୋଠରୀ ପାଇଁ ୧,୫୦୦ ଟଙ୍କାରୁ ଅଧିକ ହେବ ନାହିଁ।
କୋଭିଡ କେୟାର ସେଣ୍ଟରରେ ପର୍ଯ୍ୟାପ୍ତ ସୁବିଧା ଅଭାବରୁ କିଛି ରୋଗୀ କିମ୍ବା ସାମାନ୍ୟ ଓ କୌଣସି ଲକ୍ଷଣ ଥିବା ରୋଗୀ ଚିକିତ୍ସା କରିବାକୁ ଚାହାଁନ୍ତି ନାହିଁ ଏବଂ ତେଣୁ ସେମାନେ ରୋଗ ଲୁଚାଇବାକୁ ଚେଷ୍ଟା କରୁଛନ୍ତି। ତେଣୁ ଏ ବାବଦରେ ଉପଯୁକ୍ତ ବିଚାର ବିଚାର ବିମର୍ଶ ପରେ ସରକାର ସେହି ରୋଗୀଙ୍କ ଚିକିତ୍ସା ପାଇଁ ଏଲ-୧ ପ୍ଲସ୍ ସ୍ତର ପ୍ରଣୟନ କରିବାକୁ ନିଷ୍ପତ୍ତି ନେଇଛନ୍ତି ଯେଉଁମାନଙ୍କର ଲକ୍ଷଣ ନାହିଁ ଏବଂ ଯେଉଁମାନେ ଉନ୍ନତ ସୁବିଧା ଚାହୁଁଛନ୍ତି ଏବଂ ଏହି ସୁବିଧା ପାଇଁ ଖର୍ଚ୍ଚ କରିବାର କ୍ଷମତା ରଖିଛନ୍ତି। ଏହି ବ୍ୟବସ୍ଥା ଅନୁଯାୟୀ, ପ୍ରତି ଜିଲ୍ଲାର ଗୋଟିଏ ହୋଟେଲ ଜିଲ୍ଲା ପ୍ରଶାସନ ଦ୍ୱାରା କୋଭିଡ କେୟାର ସେଣ୍ଟର ଭାବରେ ପରିଚାଳିତ ହେବ ବୋଲି ଏଥିରେ କୁହାଯାଇଛି।