ଗୋଣ୍ଡା : ଉତ୍ତରପ୍ରଦେଶରେ ବ୍ୟାପୁଥିବା ରହସ୍ୟମୟ ଜ୍ୱରର କାୟା ଏବେ ଜିଲାର ମଧ୍ୟ ହାହାକାର ପରିସ୍ଥିତି ସୃଷ୍ଟି କରିଛି। ଗାଁରୁ ନେଇ ସହର ଯାଏଁ ଭାଇରାଲ ଜ୍ୱରର ରୋଗୀଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ଜିଲା ହସ୍ପିଟାଲରୁ ଆରମ୍ଭ କରି ଘରୋଇ ହସ୍ପିଟାଲରେ ଜ୍ୱର ରୋଗୀଙ୍କ ଲମ୍ବା ଲାଇନ ଦେଖିବାକୁ ମିଳୁଛି। ଗୁରୁବାର ଜିଲା ହସ୍ପିଟାଲରେ ୯୭୫ ରୋଗୀଙ୍କ ମଧ୍ୟରେ ପ୍ରାୟ ୭୦୦ ରୁ ଅଧିକ ରୋଗୀ ଭାଇରାଲ ଜନିତ ଜ୍ୱର,ନିମୋନିୟା, ଡାଇରିୟାରେ ପୀଡିତ ଥିଲେ। ଜିଲା ହସ୍ପିଟାଲରେ ଅଗଷ୍ଟ ମାସରେ ୧୩୮ ଶିଶୁ ମଧ୍ୟ ଭର୍ତ୍ତି ହୋଇଥିଲେ। ଏହାସହ ଏକ ସପ୍ତାହରେ ଜ୍ୱରରେ ପୀଡିତ ୭ ଜଣ ଶିଶୁଙ୍କର ମୃତ୍ୟୁ ହୋଇଛି। ଜ୍ୱରରେ ପୀଡିତ ହୋଇ ସରକାରୀ ହସ୍ପିଟାଲ ଠାରୁ ଆରମ୍ଭ ହୋଇ ଘରୋଇ ହସ୍ପିଟାଲରେ ପ୍ରାୟ ୩ ହଜାର ରୋଗୀଙ୍କର ଚିକିତ୍ସା କରାଯାଉଛି। ଡାକ୍ତରଙ୍କ ମତାନୁଯାୟୀ,ସାଧାରଣ ଜ୍ୱର ଠାରୁ ଏହି ଜ୍ୱର କିଛି ପରିମାଣରେ ଭିନ୍ନ। ସାମାନ୍ୟ ଜ୍ୱର ୫ ରୁ ୭ ଦିନ ମଧ୍ୟ ଠିକ ହୋଇଯାଇଥାଏ ମାତ୍ର ଏହା ୧୦ ରୁ ୧୨ ଦିନ ଯାଏଁ ରହିଥାଏ। ସ୍ୱାସ୍ଥ୍ୟ ବିଭାଗ ଜିଲା ହସ୍ପିଟାଲ ସହିତ ସ୍ୱାସ୍ଥ୍ୟ କେନ୍ଦ୍ର ଗୁଡିକରେ ମ୍ୟାଲେରିୟା,ଡେଙ୍ଗୁ ସହ କରୋନା ପରୀକ୍ଷା ମଧ୍ୟ କରାଯାଉଛି।
