ସ୍ୱରାଷ୍ଟ୍ର ବିଭାଗ ରାଷ୍ଟ୍ର ମନ୍ତ୍ରୀ ଜି. କିଶନ୍ ରେଡ୍ଡୀ ଲେହ ଓ ଲଦାଖକୁ ଦୁଇ ଦିନ ଗସ୍ତ ସମ୍ପୂର୍ଣ୍ଣ କରିଛନ୍ତି। ଲେହଠାରେ ସାମ୍ବାଦିକମାନଙ୍କ ସହ କଥାବାର୍ତ୍ତା ବେଳେ ସେ କହିଛନ୍ତି, ଲେହ ପାର୍ବତ୍ୟ ପରିଷଦ ନିର୍ବାଚନ ପରେ ଲଦାଖ ଅଞ୍ଚଳର ନିଯୁକ୍ତି, ଜମି, ସଂସ୍କୃତି ଓ ଭାଷାର ସୁରକ୍ଷା ଦିଗରେ କେନ୍ଦ୍ର ସରକାର ଆଇନ୍ ପ୍ରଣୟନ କରିବେ। କଂଗ୍ରେସ, ନ୍ୟାସନାଲ୍ କନ୍ଫରେନ୍ସ ଓ ଜାମ୍ମୁ କାଶ୍ମୀର ପିପୁଲ୍ସ ଡେମୋକ୍ରାଟିକ୍ ପାର୍ଟିର ସମାଲୋଚନା କରି ସେ କହିଛନ୍ତି, ଏହି ସବୁ ରାଜନୈତିକ ଦଳମାନେ ଜାତୀୟ ସ୍ୱାର୍ଥ ଓ ଲଦାଖର ଜନସାଧାରଣଙ୍କ ସହ ସାଲିସ କରି ପାକିସ୍ତାନ ଓ ଚୀନ୍ର ଭାଷା କହୁଛନ୍ତି।
ସେ କହିଛନ୍ତି, ଲଦାଖ କେନ୍ଦ୍ର ଶାସିତ ଅଞ୍ଚଳର ସୃଷ୍ଟି ସେହି ଅଞ୍ଚଳର ବିକାଶ ଉଦ୍ଦେଶ୍ୟରେ କରାଯାଇଛି। ଜୋଜିଲା ସୁଡ଼ଙ୍ଗ ମୋଦୀ ସରକାରଙ୍କ ଦ୍ୱାରା ଲଦାଖ ଅଞ୍ଚଳ ପାଇଁ ଏକ ପ୍ରତିଶ୍ରୁତି ବୋଲି ସେ କହିଛନ୍ତି। ଲଦାଖଲର ଗ୍ରାମଗୁଡ଼ିକର ବିଦ୍ୟୁତିକରଣ ବିଷୟରେ ଶ୍ରୀ ରେଡ୍ଡୀ କହିଛନ୍ତି, କେନ୍ଦ୍ର ସରକାର ୭ ହଜାର ୫୦୦ ମେଗାୱାଟ୍ ସୌରଶକ୍ତି ଯୋଗାଇବା ପାଇଁ ଯୋଜନା ପ୍ରସ୍ତୁତ କରିଛନ୍ତି। ଏହାଦ୍ୱାରା ସେହି ଅଞ୍ଚଳରେ ଦିନର ସବୁ ସମୟରେ ବିଦ୍ୟୁତ୍ ଶକ୍ତି ଯୋଗାଇ ଦିଆଯାଇ ପାରିବ। ସେ କହିଛନ୍ତି, ପରବର୍ତ୍ତୀ ବଜେଟରେ ଲେହ ଓ କାର୍ଗିଲ୍ ସହରକୁ ସ୍ମାଟ୍ର୍ ସହର କାର୍ଯ୍ୟକ୍ରମରେ ଅନ୍ତର୍ଭୁକ୍ତ କରାଯିବ।
