ସୋର : ବାଲେଶ୍ୱର ଜିଲା ସୋର କୋର୍ଟ ମାଲଖାନା ଲୁଟ ଘଟଣାରେ ସୋର ପୁଲିସ ଆଜି ୫୦୪ ଗ୍ରାମ ବ୍ରାଉନ ସୁଗାର ଜବତ କରିଛି । ଯାହା ବଜାରରେ ଆନୁମାନିକ ମୂଲ୍ୟ ୫୦ ଲକ୍ଷ ଟାଙ୍କର ହେବ । ଏହା ସହିତ ୪ଟି ମୋବାଇଲ ପୁଲିସ ଜବତ କରିଛି । ବ୍ରାଉନସୁଗାର ରଖିବା ଅଭିଯୋଗରେ ପୁଲିସ ତିନି ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ତିନି ଅଭିଯୁକ୍ତ ହେଲେ ମଙ୍ଗଳପୁର ରଘୁନାଥ ପୁର ଗ୍ରାମର ଲକ୍ଷ୍ମଣ ଦାସ, ଗଗନ ସାମଲ ଓ ଲକ୍ଷ୍ମୀଧର ଦାସ ଗିରଫ ।
ଆଜି ଲକ୍ଷ୍ମଣ ଘରୁ ପୁଲିସ ବ୍ରାଉନ ସୁଗାର ଜବତ କରିଛି । ଗତ ଦୁଇ ତାରିଖ ଦିନ ସୋର କୋର୍ଟ ମାଲଖାନାରୁ ଲୁଟ ବ୍ରାଉନ ସୁଗାରକୁ ଅଭିଯୁକ୍ତମାନେ କିଣିଥିଲେ । ପୋଲିସ ଏହି ଘଟଣାରେ ୫ ଅଭିଯୁକ୍ତଙ୍କୁ ଗିରଫ କାରିବା ସହିତ ଏକ ପିସ୍ତଲ, ୨୫ ରାଉଣ୍ଡ ଗୁଳି, ସୁନା ରୂପା ଗହଣା ଜବତ କରିଥିଲା । ଘଟଣାରେ ଜଣେ ଅଭିଯୁକ୍ତ ବର୍ତ୍ତମାନ ସୁଦ୍ଧା ଫେରାର ରହିଛି । ବ୍ରାଉନ ସୁଗାର ଜବତ ଘଟଣାରେ ଆଇଆଇସି ମୁକୁନ୍ଦ ମୁରାରୀ ପାତ୍ର ଅଭିଯୋଗ କରିଥିବା ବେଳେ ତଦନ୍ତ କରି ଅଧିକରି ଏସଆଇ ସାଧୁସିଂ ଗାଗରାଇ ରହିଛନ୍ତି ।
