ପାଟଣା : କେନ୍ଦୁଝର ଜିଲ୍ଲା ପାଟଣା ବନାଞ୍ଚଳରେ ଗତ କିଛିଦିନ ଧରି ଗୋଟିଏ ଗୋଠ ଛଡା ଦନ୍ତା ଅଞ୍ଚଳରେ ଉପଦ୍ରବ ଚଳାଇଛି। ଆଜି ଭୋରରୁ ଦନ୍ତାଟି ଖଡିକାପଦା ହୁଡି ସାହିର ଭଜ ମୁଣ୍ଡାଙ୍କ ଘରର ଗୋଟିଏ ପାର୍ଶ୍ୱ କାନ୍ଥ ଭାଙ୍ଗି ଧାନ ଚାଉଳ ଖାଇ ନଷ୍ଟ କରିଛି। ଏହା ସହ ହରିଡାଗୋଠ ଗ୍ରାମର ହେମଲତା ମୁଣ୍ଡାଙ୍କ ଘରର କାନ୍ଥ ଭାଙ୍ଗି ଦେଇଛି। ଏହା ସହ ବିଭିନ୍ନ ସ୍ଥାନରେ ପନିପରିବା ଚାଷ ନଷ୍ଟ କରିଛି। ଏହି ଦନ୍ତାଟି ସନ୍ଧ୍ୟାରେ ତଣ୍ଡୋ ବିଟର ଘାଟବାଲିଯୋଡି ଗାଁ ନିକଟରେ ବୁଲୁଥିବା ଜଣାପଡିଛି। ଗୋଠଛଡା ଦନ୍ତା ଭୟରେ ଲୋକେ ଆତଙ୍କିତ ଅବସ୍ଥାରେ ଥିବାବେଳେ ଆଖପାଖ ଗାଁରେ ତାଟି କବାଟ ପଡ଼ିଯାଇଛି।
Comments are closed.