ତେଲେଙ୍ଗାନାରେ ଟନେଲ ଛାତ ଭୁଶୁୁଡ଼ିଲା, ଫସିଲେ ୮ ଶ୍ରମିକ

ହାଇଦରାବାଦ : ତେଲେଙ୍ଗାନାରେ ଟନେଲ ଛାତ ଭୁଶୁଡ଼ି ପଡ଼ିବା ଯୋଗୁଁ ଏଥିରେ ୮ଜଣ ଶ୍ରମିକ ଫସି ରହିଥିବା ଜଣାପଡ଼ିଛି। ନଗରକର୍ନୁଲ ଜିଲା ଶ୍ରୀସେଲମ ଲେଫ୍ଟ ବ୍ୟାଙ୍କ ଟନେଲରେ ଏହି ଅଘଟଣ ଘଟିଛି। ନଗରକର୍ନୁଲ ଜିଲା ଶ୍ରୀସେଲମ ଲେଫ୍ଟ ବ୍ୟାଙ୍କ ଟନେଲର ୧୨ରୁ ୧୩ କିଲୋମିଟର ଦୂରରେ ଛାତ ଭୁଶୁଡ଼ି ପଡ଼ିଥିବା ସୂଚନା ମିଳିଛି। ଫଳରେ ୬ଜଣ ଶ୍ରମିକ ଫସି ଯାଇଥିବା ଜଣାପଡ଼ିଛି। ଫସି ରହିଥିବା ଶ୍ରମିକଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରହିଛି।

ତେଲଙ୍ଗାନାର ନାଗରକୁର୍ଣ୍ଣୁଲ ଜିଲାରେ ଶନିବାର ଏକ ନିର୍ମାଣାଧୀନ ଟନେଲ (ସୁଡ଼ଙ୍ଗ) ଭୁଶୁଡି ପଡ଼ିବାରୁ ୮ ଜଣ ଶ୍ରମିକ ଫସିଯାଇଥିବା ଜଣାପଡିଛି। ଲିକ୍‌ ମରାମତି କରିବାକୁ କିଛି ଶ୍ରମିକ ଟନେଲ ଭିତରକୁ ଯାଇଥିବାବେଳେ ହଠାତ୍‌ ଶ୍ରୀସାଇଲମ ଲେଫ୍ଟ ବ୍ୟାଙ୍କ କେନାଲର ଏକ ଅଂଶ ଭୁଶୁଡି ପଡ଼ିଥିଲା। କେତେକ ଶ୍ରମିକ ବାହାରକୁ ବାହାରିବାରେ ସଫଳ ହୋଇଥିବାବେଳେ ୮ ଜଣ ଶ୍ରମିକ ଭିତରେ ଫସି ରହିଛନ୍ତି। ଟନେଲ ପ୍ରବେଶ ଦ୍ବାରରୁ ୧୦ ମିଟର ପର୍ଯ୍ୟନ୍ତ ଅତଡା ଜମା ହୋଇଥିବାବେଳେ ୨୦୦ ମିଟର ଯାଏ କାଦୁଅରେ ପୋତି ହୋଇପଡିଛି। ଏହି ଶ୍ରମିକଙ୍କୁ ସୁରକ୍ଷିତ ଉଦ୍ଧାର କରିବାକୁ ଉଦ୍ୟମ ଆରମ୍ଭ ହୋଇଛି।

ଆଜକୁ ଚାରିଦିନ ପୂର୍ବେ ଏହି ଟନେଲ କାର୍ଯ୍ୟକ୍ଷମ ହୋଇଥିବାବେଳେ ଏଭଳି ଦୁର୍ଘଟଣା ସମସ୍ତଙ୍କୁ ବିସ୍ମିତ କରିଛି। ଟନେଲ ମଧ୍ୟରେ ଥିବା ଶ୍ରମିକଙ୍କ ସହ କୌଣସି ଯୋଗାଯୋଗ ହୋଇପାରିନାହିଁ ବୋଲି ନାଗରକୁର୍ଣ୍ଣୁଲ ଜିଲାପାଳ କହିଛନ୍ତି। ସୁଡଙ୍ଗ ମଧ୍ୟରେ ଥିବା ଏୟାର ଚ୍ୟାମ୍ବର ଏବଂ କନ୍‌ଭେୟର ବେଲ୍ଟ ମଧ୍ୟ ଅକାମୀ ହୋଇପଡିଛି।

ମୁଖ୍ୟମନ୍ତ୍ରୀ ରେବନ୍ତ ରେଡ୍ଡି ଏହି ଘଟଣାରେ ଗଭୀର ଦୁଃଖପ୍ରକାଶ କରିଥିବାବେଳେ ଉଦ୍ଧାର କାର୍ଯ୍ୟ ତ୍ବରାନ୍ବିତ କରିବାକୁ ପୁଲିସ ଓ ପ୍ରଶାସନକୁ ନିର୍ଦେଶ ଦେଇଛନ୍ତି। ତାଙ୍କ ନିର୍ଦେଶ ମୁତାବକ ଜିଲାପାଳ, ଏସ୍‌ପି ଦମକଳ ବାହିନୀ ଓ ଅନ୍ୟ ବିଭାଗ ଅଧିକାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ତଦାରଖ କରୁଛନ୍ତି। ସୁଡଙ୍ଗ ଭୁଶଡିବା ଫଳରେ କେତେକ ଶ୍ରମିକ ଆହତ ହୋଇଥିବାବେଳେ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। କେନ୍ଦ୍ର କୋଇଲା ମନ୍ତ୍ରୀ ଜି.କିଷାନ ରେଡ୍ଡି ଏହି ପ୍ରସଙ୍ଗ ନେଇ ତେଲଙ୍ଗାନା ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଥିବା ଜଣାପଡିଛି।