ୱାଶିଂଟନ୍ ଡିସି: ସର୍ବଦା ଏକାଠି ଦେଖାଯାଉଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ବିଶ୍ବର ସର୍ବାଧିକ ଧନୀ ବ୍ୟକ୍ତି ଏଲନ୍ ମସ୍କଙ୍କ ମଧ୍ୟରେ ସମ୍ପର୍କ ତିକ୍ତ ହୋଇଛି। ଏକଦା ଘନିଷ୍ଠ ଥିବା ଦୁଇ ପ୍ରମୁଖ ବ୍ୟକ୍ତିତ୍ବଙ୍କ ମଧ୍ୟରେ ଦୂରତା ବଢ଼ିବାରେ ଲାଗିଛି। ଦୁଇଦିନ ପୂର୍ବରୁ ମସ୍କ ସାମାଜିକ ଗଣମାଧ୍ୟମ ‘ଏକ୍ସ’ରେ ଟ୍ରମ୍ପଙ୍କୁ କ୍ଷମା ମାଗିବା ପରେ ମଧ୍ୟ ବିବାଦ ଥମୁନାହିଁ। ଏଣେ ମସ୍କଙ୍କ ମାଲିକାନାରେ ଥିବା ‘ସ୍ପେସ୍ଏକ୍ସ’ ଚିକ୍ତିନାମାର ସମୀକ୍ଷା କରିବାକୁ ଟ୍ରମ୍ପ ନିର୍ଦେଶ ଦେଇଛନ୍ତି।
ହ୍ୱାଇଟ୍ ହାଉସ୍ ଏହି ମାସ ଆରମ୍ଭରେ କୋଟି କୋଟି ଟଙ୍କାର ‘ସ୍ପେସ୍ଏକ୍ସ’ ଚୁକ୍ତିନାମାର ବିବରଣୀ ଯାଞ୍ଚ କରିବାକୁ ପ୍ରତିରକ୍ଷା ବିଭାଗ ଏବଂ ନାସାକୁ ନିର୍ଦେଶ ଦେଇଥିଲା। ଉଦ୍ୟୋଗୀ ଏବଂ ତାଙ୍କ ଉଦ୍ୟୋଗ ବିରୋଧରେ ସମ୍ଭାବ୍ୟ କାର୍ଯ୍ୟାନୁଷ୍ଠାନ ପ୍ରସ୍ତୁତ କରିବା ପାଇଁ ପ୍ରଶାସନ ଏହି ଏଜେନ୍ସିଗୁଡ଼ିକୁ ନିର୍ଦେଶ ଦେଇଥିଲା। ପେଣ୍ଟାଗନ୍ ଅଧିକାରୀ ଏକ ନୂତନ ଆମେରିକୀୟ କ୍ଷେପଣାସ୍ତ୍ର ପ୍ରତିରକ୍ଷା ପଦକ୍ଷେପରେ ‘ସ୍ପେସ୍ଏକ୍ସ’ର ସମ୍ପୃକ୍ତିକୁ ସୀମିତ କରିବା କି ନାହିଁ ତାହା ମଧ୍ୟ ମୂଲ୍ୟାଙ୍କନ କରୁଛନ୍ତି। ‘ସ୍ପେସ୍ଏକ୍ସ’ର ପ୍ରାୟ ୨୨ ବିଲିୟନ ଡଲାର ମୂଲ୍ୟର ବର୍ତ୍ତମାନର ଫେଡେରାଲ୍ ଚୁକ୍ତିନାମା ସମ୍ପର୍କରେ ଚୂଡ଼ାନ୍ତ ଉଦ୍ଦେଶ୍ୟ ଅସ୍ପଷ୍ଟ ରହିଛି। ବର୍ତ୍ତମାନ ପର୍ଯ୍ୟନ୍ତ, ହ୍ୱାଇଟ୍ ହାଉସ୍ ‘ଗୋଲ୍ଡେନ୍ ଡୋମ୍’ ନାମକ ପ୍ରକଳ୍ପର ଗୁରୁତ୍ୱପୂର୍ଣ୍ଣ ଉପାଦାନଗୁଡ଼ିକ ନିର୍ମାଣ କରିବା ପାଇଁ ମସ୍କଙ୍କ ରକେଟ୍ ଏବଂ ଉପଗ୍ରହ ଉଦ୍ୟୋଗ ସ୍ପେସ୍ଏକ୍ସକୁ ସଫ୍ଟୱେର୍ ନିର୍ମାତା ପାଲାଣ୍ଟିର୍ ଏବଂ ଡ୍ରୋନ୍ ନିର୍ମାତା ଆଣ୍ଡୁରିଲ୍ ସହିତ ସହଭାଗୀ କରିବା ପାଇଁ ଏକ ଯୋଜନା କରିଥିଲା। ବର୍ତ୍ତମାନ ଏହା ଅନିଶ୍ଚତତା ମଧ୍ୟରେ ରହିଛି।
ଥମୁନି ଟ୍ରମ୍ପ-ମସ୍କ ବିବାଦ: ସ୍ପେସ୍ଏକ୍ସ ଚୁକ୍ତିନାମାର ସମୀକ୍ଷା ନିର୍ଦେଶ
Popular Categories
Previous article
Next article