ଯାଜପୁର: ଯାଜପୁର ଜିଲାର ବହୁଚର୍ଚ୍ଚିତ ଟ୍ରିପଲ ମ୍ୟାରେଜ ଘଟଣାର ନୂଆମୋଡ ନେଇଛି। ଟ୍ରିପଲ ମ୍ୟାରେଜ ଘଟଣାକୁ ଲୋକଲୋଚନକୁ ଆଣିଥିବା ସବିନା ବିବିଙ୍କ ନାଁରେ ଶାଶୁ ଘର ଲୋକ ଅଭିଯୋଗ ଆଣିଛନ୍ତି। ସବିନାଙ୍କ ସ୍ୱାମୀ ଇମ୍ରାନ ଏବେ ଜେଲରେ ଥିବା ବେଳେ ସାମ୍ବାଦିକ ସମ୍ମିଳନୀରେ ଇମ୍ରାନଙ୍କ ପରିବାର ଲୋକେ ସବିନାଙ୍କ ବିରୋଧରେ ମୁଁହ ଖୋଲିଛନ୍ତି। ବିବାହ ପର ଠାରୁ ସବିନା ଶାଶୁ ଘରେ ମନଇଛା କାର୍ୟ୍ୟକରିବା ସହିତ କାହାକୁ କିଛି ନ ଜଣାଇ ଘର ଛାଡିଥିବା ଅଭିଯୋଗ କରିଛନ୍ତି। ସବିନାଙ୍କର ଏଭଳି କାର୍ୟ୍ୟକଳାପ ପାଇଁ ତାଙ୍କୁ ଇମ୍ରାନ ତଲାକ ଦେବା ପରେ ସେ ତୃତୀୟ ବିବାହ ପାଇଁ ମନସ୍ଥିର କରିଥିଲେ। ପରେ ସବିନା ଇମ୍ରାନଙ୍କ ପରିବାର ଲୋକଙ୍କୁ ଧମକ ଚମକ ଦେବା ସହିତ ଟଙ୍କା ମାଗୁଥିଲେ ବୋଲି ସାମ୍ବାଦିକ ସମ୍ମିଳନୀରେ ଇମ୍ରାନଙ୍କ ପରିବାର ଲୋକେ ଅଭିଯୋଗ କରିଛନ୍ତି। ଏହି ଘଟଣା ସଂପର୍କରେ ପୁଲିସ ନିରପେକ୍ଷ ତଦନ୍ତ କରିବାକୁ ଇମ୍ରାନଙ୍କ ପରିବାର ଲୋକେ ଦାବି କରିଛନ୍ତି।
ସେପଟେ ଏନେଇ ସବିନା ମଧ୍ୟ ନିଜର ପ୍ରତିକ୍ରିୟା ରଖିଛନ୍ତି। ଇମ୍ରାନଙ୍କ ପରିବାର ଲୋକେ ଆଣିଥିବା ଅଭିଯୋଗ ସମ୍ପୂର୍ଣ୍ଣ ମିଥ୍ୟା କହିବା ସହିତ ତଲାକ ଘଟଣାକୁ ସବିନା ଅସ୍ୱୀକାର କରିଛନ୍ତି। ଏହି ଘଟଣାର ନିରପେକ୍ଷ ତଦନ୍ତ କରି ସତ୍ୟାସତ୍ୟ ବାହାର କରିବାକୁ ସେ ମଧ୍ୟ ଅନୁରୋଧ କରିଛନ୍ତି ।
