ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଅନେକ ପ୍ରକାର ଭିଡିଓ ଭାଇରାଲ ହୋଇଥାଏ । କିଛି ଭିଡିଓ ମଜାଳିଆ ହୋଇଥାଏ ତ ଆଉ କିଛି ଭିଡିଓ ବହୁତ ଶିକ୍ଷଣୀୟ ହୋଇଥାଏ । କିଛି ଭିଡିଓ ସମସ୍ତଙ୍କୁ ଚକିତ ମଧ୍ୟ କରିଥାଏ । ଏମିତି ଏକ ଭିଡିଓ ଏବେ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଏଥିରେ ଅନେକ ଠେଲା ଗାଡି ଟ୍ରେନ୍ ବଗି ଭଳିଆ ଲାଇନ୍ ହୋଇ ଚାଲିଛନ୍ତି ।
View this post on Instagram
- Advertisement -
ଭିଡିଓରେ ଦେଖାଯାଉଛି ଜଣେ ବ୍ୟକ୍ତି ଆଗରେ ଠେଲା ଗାଡି ଚଲାଉଛନ୍ତି । ତାଙ୍କ ପରେ ଲଗାତର ଠେଲା ଗାଡିର ଆଗଚକ ତା ଆଗ ଠେଲା ଗାଡିରେ ବନ୍ଧା ହୋଇଛି । କେବଳ ପଛ ଚକ ମାଟିକୁ ସ୍ପର୍ଶ କରୁଛି । ଏବଂ ସମସ୍ତ ଚାଳକ ଲଗାତର ଏକାଠି ପେଡାଲ ମାରୁଛନ୍ତି । ଏବଂ ଏହା ଏକ ଟ୍ରେନ୍ ଭଳି ଲାଇନ୍ ହୋଇ ଲମ୍ବିଛି । ଏହି ଭିଡିଓଟି ଇନଷ୍ଟାଗ୍ରାମରେ ସେୟାର ହୋଇଛି । ଭିଡିଓଟି ବାଂଲାଦେଶର ବୋଲି କୁହାଯାଉଛି । ଏଥିରେ ଏପର୍ଯ୍ୟନ୍ତ ୩୮ ଲକ୍ଷ ଭ୍ୟୁଜ୍ ମିଳିସାରିଲାଣି । ପ୍ରାୟ ୩ ଲକ୍ଷରୁ ଅଧିକ ଲୋକ ଏହାକୁ ଲାଇକ୍ କରିଛନ୍ତି ।
