ଭୁବନେଶ୍ୱର: ତିର୍ତ୍ତୋଲ ବିଧାନସଭା ଉପନିର୍ବାଚନରେ ବିଜୟ କୁମାର ଭୋଇ ଭାରତୀୟ କମ୍ୟୁନିଷ୍ଟ ପାର୍ଟି ପକ୍ଷରୁ ପ୍ରାର୍ଥୀ ହେବା ପାଇଁ ରାଜ୍ୟ କମିଟି ନିଷ୍ପତ୍ତି ଗ୍ରହଣ କରିଛି। ସିପିଆଇ ରାଜ୍ୟ ସମ୍ପାଦକ ଆଶିଷ କାନୁନ୍ଗୋ ଏକ ପ୍ରେସ୍ ଇସ୍ତାହାରରେ କହିଛନ୍ତି ଯେ, ବାଲେଶ୍ୱର ଓ ତିର୍ତ୍ତୋଲ ବିଧାନସଭା ପାଇଁ ଉପନିର୍ବାଚନ ଅନୁଷ୍ଠିତ ହେଉଥିଲାବେଳେ କେବଳ ତିର୍ତ୍ତୋଲରେ ସିପିଆଇ ପ୍ରତିଦ୍ୱନ୍ଦ୍ୱିତା କରିବ। ଶୁକ୍ରବାର ସମ୍ପାଦକମଣ୍ଡଳୀ ବୈଠକରେ ଏ ସମ୍ପର୍କରେ ଚୂଡ଼ାନ୍ତ ନିଷ୍ପତ୍ତି ଗ୍ରହଣ କରାଯାଇଛି। ଏହା ସହିତ କୋଭିଡ଼ ମୁକାବିଲାରେ ରାଜ୍ୟ ସରକାରଙ୍କ ବିଫଳତା ଓ କେନ୍ଦ୍ର ସରକାରଙ୍କ କୃଷକ ଓ ଶ୍ରମିକ ବିରୋଧୀ ଆଇନ ପ୍ରଣୟନ ବିରୁଦ୍ଧରେ ଜୀବନ, ଜୀବିକା ଓ ନିଯୁକ୍ତି ଦାବି ନେଇ ଜନ ଆନ୍ଦୋଳନ ପାଇଁ ଗ୍ରାମପଞ୍ଚାୟତସ୍ତରଠାରୁ ବିଧାନସଭା ପର୍ଯ୍ୟନ୍ତ ଆନ୍ଦୋଳନ ଚଳାଇ ରଖିବା ପାଇଁ ରାଜ୍ୟର ସମସ୍ତ ସାଥୀ, ସମର୍ଥକମାନଙ୍କୁ ବୈଠକରେ ନିବେଦନ କରାଯାଇଛି।
ତିର୍ତ୍ତୋଲ ନିର୍ବାଚନମଣ୍ଡଳୀରେ ଏସୟୁସିଆଇ ସମେତ ବିଭିନ୍ନ ବାମପନ୍ଥୀ ଦଳମାନଙ୍କ ସମର୍ଥନ ପାଇଁ ପାର୍ଟି ପକ୍ଷରୁ ନିବେଦନ କରାଯାଇଛି। ଏହି ବୈଠକରେ ଜାତୀୟ କାର୍ଯ୍ୟକାରୀ କମିଟି ସଭ୍ୟ ରାମକୃଷ୍ଣ ପଣ୍ଡା, ଜାତୀୟ ପରିଷଦ ସଭ୍ୟ ଅଭୟ ସାହୁ ଓ ପ୍ରଶାନ୍ତ ପାଟ୍ଟଯୋଷୀ ପ୍ରମୁଖ ଉପସ୍ଥିତ ରହି ନିଷ୍ପତ୍ତିରେ ଅଂଶ ଗ୍ରହଣ କରିଥିଲେ।
ତିର୍ତ୍ତୋଲରେ ସିପିଆଇ ପ୍ରାର୍ଥୀ ବିଜୟ କୁମାର ଭୋଇ
Popular Categories
Previous article
Next article