ନୂଆଦିଲ୍ଲୀ : ଆମ ଦୁନିଆ ରହସ୍ୟରେ ପରିପୂର୍ଣ୍ଣ, ବିଚିତ୍ର ଏଇ ବ୍ରହ୍ମାଣ୍ଡ। ସୌରମଣ୍ଡଳ ଠାରୁ ପୃଥିବୀ ପର୍ଯ୍ୟନ୍ତ ଅନେକ ରହସ୍ୟ ଅଛି। ଯାହାକୁ ଅନୁମାନ କରାଯାଇପାରିବ ନାହିଁ । ଆମ ଚାରିପାଖରେ ଅନେକ ଘଞ୍ଚ ଜଙ୍ଗଲ ଅଛି, ଯେଉଁଠାରେ ବଣୁଆ ଜନ୍ତୁ ମାନେ ବାସ କରନ୍ତି। ସିଂହ ଓ ବାଘକୁ ଜଙ୍ଗଲର ରାଜା ଭାବରେ ବିବେଚନା କରାଯାଏ । କିନ୍ତୁ ଅଜଗର ସାପ ମଧ୍ୟ କାହାଠାରୁ କମ୍ ବିପଦ ଜନକ ନୁହେଁ । ଏପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାକୁ ଲାଗିଛି । ଯେଉଁଥିରେ ଅଜଗର ସାପ ଓ ଟାଇଗର ସହ ଜଡିତ ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓ ଦେଖି ଆପଣ ଆଶ୍ଚର୍ୟ୍ୟ ହୋଇଯିବେ କିପିରି ବଘଟି ଅଜଗର ସାପକୁ ଦେଖି ବାଟ ବଦଳାଉଛି ।
Tiger leaves the way to Python.. pic.twitter.com/87nGHbo0M0
— Susanta Nanda IFS (@susantananda3) July 21, 2020
ଆଇଏଫଏସ୍ ଅଧିକାରୀ ସୁଶାନ୍ତ ନନ୍ଦା ତାଙ୍କ ଟ୍ୱିଟରେ ଏହି ଭିଡିଓ ସେୟାର କରିଛନ୍ତି । ଏହି ଭିଡିଓ ସେୟାର କରି ସୁଶାନ୍ତ ନନ୍ଦା କ୍ୟାପସନରେ ଲେଖିଛନ୍ତି ଯେ ବାଘକୁ ଅଜଗର ପାଇଁ ରାସ୍ତା ଛାଡିବାକୁ ପଡିବ । ଏହି ଭିଡିଓଟି ଯେତିକି ଆଶ୍ଚର୍ୟ୍ୟ ଜନକ, ଏହି ଭିଡିଓର କ୍ୟାପସନ୍ ମଧ୍ୟ ସେତିକି କୌତୁକ ପୂର୍ଣ୍ଣ। ଏହି ଭିଡିଓଟିକୁ ସୋସିଆଲ ମିଡିଆରେ ଅପଭୋକ୍ତାମାନେ ବହୁତ ପସନ୍ଦ କରିଛନ୍ତି ।
ଭାଇରାଲ ହେଉଥିବା ଏହି ଭିଡିଓରେ ବଘଟି ଅଜଗର ସାପକୁ ଦେଖି ରହିଯାଉଛି । ଅଜଗର ସାପଟି ଯେତେବେଳେ ମୁହଁକୁ ବାଘ ପାଖକୁ ନେଉଛି ବାଘଟି ରାସ୍ତା ବଦଳାଇ ଦେଉଛି । ଭିଡିଓ ଦେଖି ମନେ ହେଉଛି ଜଙ୍ଗଲରେ ବାଘ ସମସ୍ତଙ୍କ ଠାରୁ ବିପଦ ଜନକ ହୋଇଥିଲେ ମଧ୍ୟ ସେ ଅଜଗରକୁ ଭୟ କରୁଛି।
ଏହି ଭିଡିଓ ଦେଖୁଥିବା ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ଭାଇରାଲ ହେଉଥିବା ଏହି ଭିଡିଓଟି ଖବର ଲେଖିବା ପର୍ଯ୍ୟନ୍ତ ୭୩ ହଜାରରୁ ଅଧିକ ଥର ଦେଖାଯାଇଥିଲା। ଏଥି ସହିତ ସୋସିଆଲ ମିଡିଆ ବ୍ୟବହାରକାରୀମାନେ ମଧ୍ୟ ଏହି ଭିଡିଓ ଉପରେ ଆକର୍ଷଣୀୟ ମନ୍ତବ୍ୟ ଦେଉଛନ୍ତି । ଜଣେ ଉପଭୋକ୍ତା ଲେଖିଛନ୍ତି ଯେ ଜଣେ ମଣିଷ ମଧ୍ୟ ଏଥିରୁ ବହୁତ କିଛି ଶିଖିବା ଉଚିତ୍ | ସେହିପରି ଅନ୍ୟ ଜଣେ ଉପଭୋକ୍ତା ଲେଖିଛନ୍ତି ଯେ, ଅଜଗର ସାପ ବାଘକୁ କହିଲା, ଯାଅ ଭାଇ, ମୁଁ ତୁମକୁ କ’ଣ କହିଲି ?
