ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ବାଘ ଦେଖାଯିବା ଘଟଣାରେ ଶୁକ୍ରବାର ପୂର୍ଣ୍ଣଛେଦ ପଡିଛି। ସଂଗୃହିତ ପାଦଚିହ୍ନ ବାଘର ନୁହେଁ ବୋଲି ବନବିଭାଗ ତରଫରୁ ଶୁକ୍ରବାର ଏହି ସ୍ପଷ୍ଟିକରଣ ଦିଆଯାଇଛି। ପରୀକ୍ଷା ନିରୀକ୍ଷା କରିବାପରେ ଏସିଏଫ୍ ଏହି ସୂଚନା ଦେଇଛନ୍ତି। ମାତ୍ର ସୁରକ୍ଷା ଦୃଷ୍ଟିରୁ ପେଟ୍ରୋଲିଂକୁ କଡାକଡି କରିବା ପାଇଁ ବନବିଭାଗ ତରଫରୁ କୁହାଯାଇଛି।
ସୂଚନା ମୁତାବକ, ରାଜଧାନୀ ଭୁବନେଶ୍ୱରର ରଙ୍ଗମାଟିଆ ତଳସାହି ଅଞ୍ଚଳରେ ବାଘ ବୁଲୁଥିବା ସ୍ଥାନୀୟ ଲୋକେ କହିଥିଲେ । ଏନେଇ ବନବିଭାଗ ଖବର ପାଇବା ପରେ ଘଟଣାସ୍ଥଳରେ ପହଞ୍ଚିଥିଲା ଏବଂ ସ୍ଥାନୀୟ ଅଞ୍ଚଳରେ ଏକ ପାଦଚିହ୍ନ ଦେଖିବା ପରେ ଏନେଇ ଅଧିକ ଛାନଭିନ କରିଥିଲା।
