ଚେନ୍ନଇ : ତାମିଲନାଡ଼ୁର ଟୁଟିକୋରିନ୍ସ୍ଥିତ ଷ୍ଟେରଲାଇଟ୍ ତମ୍ବା କାରଖାନା ବିରୋଧୀ ଶୋଭାଯାତ୍ରାରେ ପୁଲିସ ଗୁଳିରେ ମୃତାହତ ୧୯ଜଣ ବିକ୍ଷୋଭକାରୀଙ୍କ ପରିବାରର ଜଣେ ଲେଖାଏଁ ସଦସ୍ୟଙ୍କୁ ମୁଖ୍ୟମନ୍ତ୍ରୀ କେ. ପଲାନିସ୍ୱାମୀ ଗୁରୁବାର ଅନୁକମ୍ପାମୂଳକ ନିଯୁକ୍ତି ପ୍ରଦାନ କରିଛନ୍ତି। ଏଥିମଧ୍ୟରେ ୧୦ଜଣ ନିହତ ଓ ୯ଜଣ ଗୁରୁତର ଆହତଙ୍କ ପରିବାରର ଜଣେ ଲେଖାଏଁ ସଦସ୍ୟ ଅଛନ୍ତି। ମେ ୨୨ରେ ହୋଇଥିବା ଏହି ଅଘଟଣ ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ଏଥିପାଇଁ ପ୍ରତିଶ୍ରୁତି ଦେଇଥିଲେ। ସମ୍ପୃକ୍ତ ୧୯ଜଣଙ୍କୁ ମୁଖ୍ୟମନ୍ତ୍ରୀ ଗୁରୁବାର ନିଯୁକ୍ତି ପତ୍ର ପ୍ରଦାନ କରିଛନ୍ତି। ସେମାନେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ, ସମାଜ ମଙ୍ଗଳ ଓ ପୁଷ୍ଟିକର ଖାଦ୍ୟ ଯୋଜନା ବିଭାଗରେ ନିଯୁକ୍ତି ଦିଆଯାଇଛି। ପୂର୍ବରୁ ମୃତକଙ୍କ ପରିବାରକୁ ରାଜ୍ୟ ସରକାର ୨୦ଲକ୍ଷ ଓ ଗୁରୁତର ଆହତଙ୍କ ପରିବାରକୁ ୫ଲକ୍ଷ ଲେଖାଏଁ କ୍ଷତିପୂରଣ ରାଶି ପ୍ରଦାନ କରିଥିଲେ। ଉଲ୍ଲେଖଯୋଗ୍ୟ ଯେ ଏହି ଘଟଣାରେ ମୋଟ ୧୩ଜଣ ପ୍ରାଣ ହରାଇଥିଲେ।
Popular Categories
Previous article
Next article