ଠାକୁରମୁଣ୍ଡା: ଠାକୁରମୁଣ୍ଡା ଥାନା ଅନ୍ତର୍ଗତ ଠାକୁରମୁଣ୍ଡା-ଆନନ୍ଦପୁର ରାସ୍ତାର ତରାମରା ନିକଟରେ ସୋମବାର ସଂନ୍ଧ୍ୟାରେ ଏକ ପିକଅଫ ଭ୍ୟାନ ନଂ ସହିତ ବାଇକ ମୁହାଁମୁହିଁ ଧକ୍କା ହେବା ଫଳରେ ବାଇକ ଚାଳକ ଗୁରୁତର ଆହତ ହୋଇଥିବା ଜଣାପଡିଛି। ଆହତ ବାଇକ ଚାଳକ ଜଣକ ହେଉଛନ୍ତି ଯାଜପୁର ଜିଲ୍ଲାର ଟମକା ଥାନା ଅନ୍ତର୍ଗତ ଚିତିରି ଗୋବିନ୍ଦପୁର ଅଞ୍ଚଳର ରାମଚନ୍ଦ୍ର ନାୟକ ବୋଲି ଜଣାପଡ଼ିଛି।
ସୂଚନା ଅନୁଯାୟୀ ମହୁଲଡ଼ିହା ସାପ୍ତାହିକ ହାଟରୁ ହାଟ ସାରି ଜଣେ ବ୍ୟବସାୟୀ ପିକଅପ ଭ୍ୟାନ ନେଇ ଠାକୁରମୁଣ୍ଡା ଆସୁଥିବା ବେଳେ ବିପରୀତ ଦିଗରୁ ଠାକୁରମୁଣ୍ଡା ରୁ ଆନନ୍ଦପୁର ଆଡକୁ ଯାଉଥିବା ଏକ ବାଇକ ମଧ୍ୟରେ ପିକଅଫ ର ମୁହାଁମୁହିଁ ଧକ୍କା ହୋଈ ଥିଲା।ଘଟଣାସ୍ଥଳ ରୁ ୧୦୮ ଆମ୍ବୁଲାନ୍ସ ଯୋଗେ ବାଇକ ଚାଳକ କ ଉଦ୍ଧାର କରାଯାଇ ଚିକିତ୍ସା ପାଇଁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା।ଖବର ପାଇ ଘଟଣା ସ୍ଥଳରେ ଠାକୁରମୁଣ୍ଡା ପୁଲିସ ପହଞ୍ଚି ତଦନ୍ତ କରୁଛି ପୋଲିସ ।
