ଜମ୍ମୁ: ଜମ୍ମୁ ସହରର ସତବାରୀ ଅଞ୍ଚଳ ଅନ୍ତର୍ଗତ ମକୱାଲ ସୀମାନ୍ତରେ ଆତଙ୍କବାଦୀ ଆକ୍ରମଣ ହେବାର ଆଶଙ୍କା କରାଯାଉଛି। ଜୈଶ-ଏ-ମହମ୍ମଦର ୩ ଜଣିଆ ଆତଙ୍କବାଦୀ ସୀମାନ୍ତରେ ଛପି ରହିଛନ୍ତି। ସେମାନେ ଦୁଇରୁ ତିନି ଦିନ ମଧ୍ୟରେ ଆକ୍ରମଣ କରି ପାରନ୍ତି। ସେମାନଙ୍କ ଟାର୍ଗେଟରେ ଜମ୍ମୁର ବିମାନ ବନ୍ଦର ଏବଂ ଏୟାର ଫୋର୍ସ ଷ୍ଟେସନ ରହିଛି। ଏହା ସହ ନିକଟରେ ଥିବା ସେନାର ହସ୍ପିଟାଲ ଏବଂ କ୍ୟାମ୍ପ ଉପରକୁ ମଧ୍ୟ ଟାର୍ଗେଟ କରିପାରନ୍ତି।
ମିଳିଥିବା ସୂଚନା ଅନୁଯାୟୀ, ରବିବାର ବିଳମ୍ବିତ ରାତିରେ ସୀମାନ୍ତ ନିକଟରେ ତିନି ଜଣ ଆତଙ୍କବାଦୀଙ୍କ ବାର୍ତ୍ତାଳାପ ରେକର୍ଡ କରାଯାଇଛି। ଆମେ ପହଞ୍ଚି ଯାଉଛୁ, ଆଉ ଦୁଇ ତିନି ଦିନ ମଧ୍ୟରେ ଠିକଣା ସ୍ଥାନରେ ପହଞ୍ଚି ଯିବୁ। ମକୱାଲ ସୀମାନ୍ତ ଜମ୍ମୁଠାରୁ ମାତ୍ର ୬ରୁ ୭କିମି ଦୂର ରହିଛି। ବିମାନବନ୍ଦର, ଏୟାର ଫୋର୍ସ ଷ୍ଟେସନ, ସେନାଙ୍କ ହସ୍ପିଟାଲ ଏବଂ ସେନା କ୍ୟାମ୍ପ ମାତ୍ର ୩ରୁ ୪ କିମି ମଧ୍ୟରେ ରହିଛି। ମକୱାଲ ସୀମାନ୍ତକୁ ଲାଗି ନିକ୍କି ତବୀ ଅଞ୍ଚଳ ରହିଛି। ଯାହା ପାକିସ୍ତାନ ସହ ମିଶି ରହିଛି।
Comments are closed.