ଭୁବନେଶ୍ବର : ବସ୍ତୁ ଏବଂ ସେବା କର କାର୍ଯ୍ୟକାରିତାର ୭ ବର୍ଷ ଅବସରରେ ରାଜସ୍ବ ବିହାର ହିନ୍ଦୀ ସଦନରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ଏକ ସପ୍ତାହ ଧରି ଜାରି ରହିବ । ଏଥିରେ କରଦାତା, ଟ୍ରେଡର୍ସ, ଛାତ୍ରଛାତ୍ରୀ,ବ୍ୟବସାୟୀ, ସାଧାରଣ ଲୋକେ ଆଦି ସାମିଲ ହେବେ । ଆଜି ବିଭାଗର ବରିଷ୍ଠ ଅଧିକାରୀଙ୍କ ଉପସ୍ଥିତିରେ ପ୍ରଧାନ ଆୟୁକ୍ତ ଭିଏନ୍ ଥେଟେ କାର୍ଯ୍ୟକ୍ରମର ଉଦ୍ଘାଟନ କରିଥିଲେ । ଏହି ଅବସରରେ ସେ ଗତ ୭ ବର୍ଷରେ ଜିଏସଟିର ଭୂମିକା ସମ୍ପର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବାର୍ତ୍ତା ପ୍ରଦାନ କରିଥିଲେ ।
ଗତ ୭ ବର୍ଷରେ କରଦାତାଙ୍କ ସଂଖ୍ୟା ଦୁଇଗୁଣା ହୋଇଥିବା ସେ କହିଥିଲେ । ପ୍ରଯୁକ୍ତିବିଦ୍ୟାର ପ୍ରଚାର ପ୍ରସାର ମଧ୍ୟ ଏହାର ଏକ ଗୁରୁତ୍ବ ଭୂମିକା ନିର୍ବାହ କରୁଛି । କରଦାତାଙ୍କ ଯୋଗୁଁ କର ରାଜସ୍ବ ୨୦୧୭-୧୮ରେ ୮ ଲକ୍ଷ ଥିବାବେଳେ ୨୦୨୩-୨୪ ମସିହାରେ ଏହା ୨୦ ଲକ୍ଷକୁ ବୃଦ୍ଧି ପାଇଥିବା ସେ ସୂଚନା ଦେଇଥିଲେ । ମଧୁସୂଦନ ଲ’ ବିଶ୍ବବିଦ୍ୟାଳୟର କୁଳପତି କମଲଜିତ୍ ସିଂହ ଜିଏସଟି ଆଇନର ବିକାଶ ସମ୍ପର୍କରେ ଅଭିଭାଷଣ ଦେଇଥିଲେ । ଏହି କାର୍ଯ୍ୟକ୍ରମ ୭ ଦିନ ଧରି ଚାଲିବ । ଏବଂ କରପୈଠକୁ ପ୍ରୋତ୍ସାହନ ଦେବା ପାଇଁ ଡ୍ରଇଂ ପ୍ରତିଯୋଗିତା, ପ୍ରବନ୍ଧ ଲିଖନ, ସାଧାରଣଜ୍ଞାନ ପ୍ରତିଯୋଗିତା ଆଦିର କାର୍ଯ୍ୟକ୍ରମ ରହିଛି ।
ଜୁଲାଇରେ ଏହି ରାଶିଙ୍କ ରହିବନି ଚିନ୍ତା : ଖୋଲିବ ବନ୍ଦ ଭାଗ୍ୟର ତାଲା, ମିଳିବ ଚାକିରି,ଧନ..
