ଲକ୍ଷ୍ମୀପୁର : ଲକ୍ଷ୍ମୀପୁରର ପୂର୍ବତନ ବିଧାୟକ କୈଳାସ ଚନ୍ଦ୍ର କୁଲେସିକା ସପତ୍ନୀକ ଲକ୍ଷ୍ମୀପୁର ପଞ୍ଚାୟତ ସମିତି ଅଧ୍ୟକ୍ଷା ସୁଓ୍ବାଇ କୁଲେସିକାଙ୍କ ସହିତ ତାଙ୍କର ସମର୍ଥକ ମାନଙ୍କ ସହିତ ଭୁବନେଶ୍ବର ଯାଇ ବୁଧବାର ବିଜୁ ଜନତା ଦଳରେ ମିଶିଛନ୍ତି । ତେବେ ତାଙ୍କର ଯାହାଙ୍କ ସହିତ ବାଦ ବିବାଦ ଲାଗିଥିଲା ଓ ସେ ଯାହାଙ୍କ ପାଇଁ ଦଳ ଛାଡ଼ିବେ ବୋଲି କହି କଂଗ୍ରେସରୁ ଅଳ୍ପ କିଛି ଦିନ ତଳେ ଇସ୍ତଫା ଦେଇଥିଲେ ବୋଲି ଅଭିଯୋଗ କରିଥିଲେ ଜୟପୁର ବିଧାୟକ ତାରାପ୍ରସାଦ (ଭାଲୁ) ବାହିନୀ ପତିଙ୍କୁ ଏନେଇ ପଚାରିବାରୁ ସେ କହିଲେ କଂଗ୍ରେସରେ ଶନି, ରାହୁ, କେତୁ ଥିଲେ । ଯେଉଁଥିପାଇଁ ଅବିଭକ୍ତ କୋରାପୁଟ ଜିଲ୍ଲାରେ କଂଗ୍ରେସ ଆଗକୁ ଯାଇ ପାରୁ ନଥିଲା, ତେବେ ଏମାନେ ଗଲା ପରେ କଂଗ୍ରେସ ନିଶ୍ଚିତ ଭଲ କରିବ ବୋଲି ଶ୍ରୀ ବାହିନୀ ପତି କହିଛନ୍ତି । ଏପରିକି ବିଜେଡି ପ୍ରତି ଦୁର୍ବଳତା ଥିବା କଥା କୈଳାସ କୁଲେସିକା ଗଣମାଧ୍ୟମ ସମୁଖରେ କହିଥିବାରୁ କୈଳାସ କଂଗ୍ରେସରେ ଥାଇ ତାଙ୍କର ଅନ୍ୟ ଦଳ ପ୍ରତି ଦୁର୍ବଳତା ଥିବା କଥା କହିଥିବାରୁ ସେ କଂଗ୍ରେସରେ ନଥିଲେ ବୋଲି ଶ୍ରୀ ବାହିନୀ ପତି ଆକ୍ଷେପ କରିଛନ୍ତି । ତେବେ ଯାହା ହେଉନା କାହିଁକି ନେତା ମାନଙ୍କର କେତେ ଓ ସହଯୋଗୀ ମାନଙ୍କର କେତେ ବଳ ଆଉ ଅଳ୍ପ କିଛି ମାସ ମଧ୍ୟରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପରେ ଜଣା ପଡ଼ିବ।
Popular Categories
Previous article
Next article