ବେଙ୍ଗାଲୁର- ପ୍ରସିଦ୍ଧ ଅଭିନେତ୍ରୀ ସ୍ୱାତୀ ସତୀଶଙ୍କର ମୁହଁର ଆକାର ଏକେ ଅସ୍ତ୍ରୋପଚାରପରେ ବଦଳିଯାଇଛି । ଅଭିନେତ୍ରୀ ଏହାକୁ ପୋଷ୍ଟ କରି ନିଜ ଦୁଃଖକୁ ସାମାଜିକ ଗଣମାଧ୍ୟମମାନଙ୍କରେ ବଖାଣିଛନ୍ତି । ଏକ ବେସରକାରୀ କ୍ଲିନିକ୍ରେ ସ୍ୱାତୀ ନିଜ ଦାନ୍ତର ରୁଟ୍ କାନାଲ୍ ସର୍ଜରୀ ବା ଅସ୍ତ୍ରୋପଚାର କରିଥିଲେ । ମାତ୍ର ଭଲ ହେବା ବଦଳରେ ତାଙ୍କ ଡାହାଣପଟ ମୁହଁର ତଳ ଭାଗ ଫୁଲିଯାଇଥିଲା । କିଛି ଘଣ୍ଟା ମଧ୍ୟରେ ଏହା ଭଲ ହୋଇଯିବ ବୋଲି ଡାକ୍ତର କହିଥିଲେ । ୨୦ ଦି ପରେ ବି ତାହା ଭଲ ହୋଇ ନାହିଁ । ଏଥିପାଇଁ ଅଭିନେତ୍ରୀ ଜଣଙ୍କ ଘରୁ ବାହାରକୁ ବାହାରି ପାରୁ ନାହାନ୍ତି ।
ଜଣେ ସିନେ ଅଭିନେତ୍ରୀଙ୍କ ପାଇଁ ଏହା ବହୁତ ଦୁଃଖ ଘଟଣା ବୋଲି କହିଛନ୍ତି । ସେ ଦେଖିବାକୁ ସୁନ୍ଦର ସହ ବେଶ୍ ଭଲ ଅଭିନୟ ପାଇଁ କନ୍ନଡ ତଥା ଦକ୍ଷିଣ ଭାରତରେ ଲୋକପ୍ରିୟତା ହାସଲ କରିଥିଲେ ।
ଅନେକ ଥର ବିଭିନ୍ନ ସିନେ କଳାକରଙ୍କର ଭୁଲ୍ ଅସ୍ତ୍ରୋପଚାର ପାଇଁ ଏପରି ହୋଇଥିବା ଦେଖିବା ପାଇଁ ମିଳୁଛି। ଏପରିକି ପ୍ଲାଷ୍ଟିକ୍ ସର୍ଜରୀ ବା କସମେଟିକ୍ ସର୍ଜରୀ ପାଇଁ କେତେଜଣ ଜୀବନ ହରାଇଲେଣି । କିଛି ଦିନତଳେ ଚେତନା ରାଜ୍ ନାମକ କନ୍ନଡ ଅଭନେତ୍ରୀଙ୍କର ଫ୍ୟାଟ ରିମୁଭାଲ୍ ସର୍ଜରୀ ପରେ ମୃତ୍ୟୁ ହୋଇଥିଲା ।
ସ୍ୱାତୀଙ୍କ ତାଙ୍କର ଏପରି ଅବସ୍ଥା ପରେ ସେହି କ୍ଲିନିକ୍ ଉପରେ ଭୁଲ୍ ଚିକିତ୍ସାର ଅଭିଯୋଗ କରିଛନ୍ତି । ଆନେସ୍ଥେସିଆ ବଦଳରେ ଡାକ୍ତର ତାଙ୍କୁ ସେଲିସିକସ୍ ଏସିଡ୍ ଦେଇଥିବା କଥା ସେ ଅଭିଯୋଗ କରିଛନ୍ତି । ଏବେ ସେ କ୍ଲିନିକ୍ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଛନ୍ତି । ଏଥିପାଇଁ ତାଙ୍କର ସିନେମା କ୍ୟାରିୟର ପ୍ରଭାବିତ ହୋଇଥିବା ସ୍ୱାତୀ ସୂଚନା ଦେଇଛନ୍ତି ।
