ପାତ୍ରପୁର: ପାତ୍ରପୁର ବ୍ଳକସ୍ତରୀୟ ଶିଶୁ ମହୋତ୍ସବ ସୁରଭି ବିଇଓ ଲୋକନାଥ ପାଢ଼ୀଙ୍କ ପୌରୋହିତ୍ୟରେ ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ କବିରାଜ ଦାସ ଏହି କାର୍ଯ୍ୟକ୍ରମର ସଂଯୋଜନା କରିଥିଲେ। ପାତ୍ରପୁର ବିଡିଓ ପ୍ରକାଶ ଦାସ କାର୍ଯ୍ୟକ୍ରମକୁ ଉଦଘାଟନ କରିଥିବା ବେଳେ ଅନ୍ୟତମ ଅତିଥି ଭାବେ ତହସିଲଦାର ଅମିତ କୁମାର ନାୟକ ଯୋଗ ଦେଇଥିଲେ। କ୍ଲଷ୍ଟରସ୍ତରୀୟ ପ୍ରତିଯୋଗିତାରେ ଯୋଗ୍ୟ ବିବେଚିତ ହୋଇ ଆସିଥିବା ଶିଶୁମାନେ ହସ୍ତାକ୍ଷର, ଚିତ୍ର, ତର୍କ, ସାଧାରଣ ଜ୍ଞାନ, ବକ୍ତବ୍ୟ, ସଙ୍ଗୀତ ଓ ନୃତ୍ୟ ପ୍ରତିଯୋଗିତାରେ ଭାଗ ନେଇଥିଲେ। ବିଚାରକ ମଣ୍ଡଳୀଙ୍କ ଦ୍ବାରା ଛାତ୍ରଛାତ୍ରୀଙ୍କ କୃତିତ୍ୱ ପରୀକ୍ଷଣ କରାଯାଇ ଅଧ୍ୟକ୍ଷା ଏ ସଂଯୁକ୍ତା ରେଡ୍ଡୀ, ଉପାଧ୍ୟକ୍ଷ ଅନାଦି ପଣ୍ଡିତ, ସରପଞ୍ଚ ସଦାନନ୍ଦ ନାୟକ, ବିଦ୍ୟାଳୟ ପରିଚାଳନା କମିଟି ଅଧ୍ୟକ୍ଷ ମନୋଜ ପଣ୍ଡା ଓ ଅତିଥିମାନଙ୍କ ଦ୍ଵାରା ପୁରସ୍କୃତ କରଯାଇଥିଲା। ସମସ୍ତ ବିଭାଗର ପ୍ରଥମ ସ୍ଥାନ ଅଧିକାର କରିଥିବା ଯୋଗ୍ୟ ଛାତ୍ରଛାତ୍ରୀମାନଙ୍କୁ ଜିଲ୍ଲାସ୍ତରୀୟ ସୁରଭି ପ୍ରତିଯୋଗିତାକୁ ପ୍ରେରିତ କରାଯିବ। କାର୍ଯ୍ୟକ୍ରମକୁ ବିଆରସିସି ପ୍ରଫୁଲ୍ଲ କୁମାର ଚୌଧୁରୀ, ମୁଖ୍ୟ ସିଆରସିସି ଟୁଟୁ ପ୍ରଧାନଙ୍କ ସହ ସମସ୍ତ ସିଆରସିସି, ଗାଇଡ ଶିକ୍ଷକମାନେ ସହଯୋଗ କରିଥିଲେ।
Comments are closed.