ନୂଆଦିଲ୍ଲୀ : ବାରାଣାସୀରୁ ନୂଆଦିଲ୍ଳୀ ଅଭିମୁଖେ ଯାଉଥିବା ବନ୍ଦେ ଭାରତ ଏକ୍ସପ୍ରେସ୍ ଉପରେ ରବିବାର କେତେକ ଲୋକ ପଥରମାଡ଼ କରିଛନ୍ତି। ଏଥିରେ ଟ୍ରେନ୍ର ଗୋଟିଏ ସ୍କ୍ରିନ୍ ଭାଙ୍ଗିଯାଇଛି। ଚାଳକଙ୍କ ମୁଖ୍ୟ ଝରକା ସମେତ ଅନ୍ୟ କେତେକ ଝରକା କ୍ଷତିଗ୍ରସ୍ତ ହୋଇଛି। ଉତ୍ତର ରେଳବାଇ ମୁଖ୍ୟ ଜନସମ୍ପର୍କ ଅଧିକାରୀଙ୍କ କହିବା ଅନୁସାରେ ଉତ୍ତରପ୍ରଦେଶର ଅଛାଲଦା ଏବଂ ୱାଲି ମଧ୍ୟରେ ଦିବ୍ରୁଗଡ଼ ରାଜଧାନୀ ଏକ୍ସପ୍ରେସ୍ରେ ଗୋଟିଏ ମଇଁଷି କଟିଯାଇଥିଲା। ଏଥିରେ ଉତକ୍ଷିପ୍ତ ଲୋକମାନେ କିଛି ସମୟ ପରେ ସେହି ବାଟ ଦେଇ ଯାଉଥିବା ବନ୍ଦେ ଭାରତ ଏକ୍ସପ୍ରେସ୍ ଉପରେ ପଥର ମାଡ଼ କରିଥିଲେ। ଗୋଟିଏ ପଥର ଖଣ୍ଡ ଟ୍ରେନ୍ ଚାଳକଙ୍କ ଝରକା ଦେଇ ଯାଇ ସ୍କ୍ରିନ୍ରେ ବାଜିଥିଲା। ଫଳରେ ଟ୍ରେନ୍ ସ୍କିନ୍ଟି ଭାଙ୍ଗିଯାଇଛି। କୋଚ୍ ସି-୪, ସି-୬, ସି୭-, ସି-୮ ଏବଂ ସି-୧୩ର ବାହାରପଟ କାଚ ଏବଂ ସି ୧୨ର ଦୁଇଟି କାଚ ପ୍ୟାନେଲ କ୍ଷତିଗ୍ରସ୍ତ ହୋଇଛି।
Popular Categories
Previous article
Next article