ବେଗୁନିଆ: କରୋନାର ଦ୍ୱିତୀୟ ଲହର ଗ୍ରାମାଞ୍ଚଳରେ କାୟା ବିସ୍ତାର କରିଥିବାବେଳେ ବେଗୁନିଆ ବ୍ଲକରେ ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବଢି ଚାଲିଛି । କଣ୍ଟାବାଡ଼ ପଂଚାୟତ ଅଧିନସ୍ଥ ତଣ୍ଡାଳ ଗ୍ରାମର ଯୁବ ମଞ୍ଚ କଳାକାର ଆଲୋକ କୁମାର ନାୟକ(୪୬)ଙ୍କର କରୋନାରେ ପରଲୋକ ଘଟିଛି।
୮ ଦିନ ହେବ ଆଲୋକ ଜ୍ବରରେ ପୀଡିତ ରହି ଚିକିତ୍ସିତ ହେଉଥିଲେ । ନିକଟସ୍ଥ ସ୍ୱାସ୍ଥ୍ୟକେନ୍ଦ୍ର କଣ୍ଟାବାଡ଼ରେ ଆଣ୍ଟିଜେନ ପରୀକ୍ଷା କରିବାରୁ ତାଙ୍କର ପଜିଟିଭ ଥିବା ଜଣାପଡିଥିଲା । ତାପରେ ସେ ଗୃହ ସଂଗରୋଧରେ ରହି ଚିକିତ୍ସିତ ହେଉଥିଲେ । ଶନିବାର ସେ ହଠାତ ଛାତିରେ ଯନ୍ତ୍ରଣା ଅନୁଭବ କରିବାରୁ ପରିବାର ଲୋକମାନେ ତାଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇ ଯାଇଥିଲେ । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ତାଙ୍କ ମୃତ୍ୟୁରେ ତାଙ୍କ ଗ୍ରାମ ତଥା ଆଖ ପାଖ ଅଂଚଳରେ ଶୋକର ଛାୟା ଖେଳି ଯାଇଛି । କରୋନାରେ ସେ ମୃତ୍ୟୁବରଣ କରିଥିବା ବେଳେ ସରକାରୀ ସ୍ତରରେ ସେ କରୋନାରେ ମୃତ୍ୟୁବରଣ କରିଥିବାର କୌଣସି ତଥ୍ୟ ନଥିବା ଜଣାପଡିଛି ।
Comments are closed.