ସିମୁଳିଆ: ପରିବାର ନିୟନ୍ତ୍ରଣ ଅସ୍ତ୍ରୋପଚାର କରାଇ ଜଣେ ମହିଳାଙ୍କ ହଟହଟା ହୋଇଥିବା ଦେଖବାକୁ ମିଳିଛି। ସୂଚନାରୁ ପ୍ରକାଶ, ବାଲେଶ୍ବର ଜିଲ୍ଲା ସିମୁଳିଆ ବ୍ଲକ ଅନ୍ତର୍ଗତ ବରି ପଂଚାୟତ ମାଗୁରଗଡ଼ିଆ ଗ୍ରାମର ବିଶ୍ବରଞ୍ଜନ ବେହେରାଙ୍କ ପତ୍ନୀ ମନୋରମା ବେହେରା(୩୩) ରାଜ୍ୟ ସରକାରଙ୍କ ପକ୍ଷରୁ ୨୪ ଜାନୁଆରୀ ୨୦୨୨ରେ ସିମୁଳିଆ ସ୍ୱାସ୍ଥ୍ୟକେନ୍ଦ୍ରରେ ପରିବାର ନିୟନ୍ତ୍ରଣ ଅସ୍ତ୍ରୋପଚାର ହୋଇଥିଲେ। ମାତ୍ର ଦୁଇ ତିନି ମାସ ପରେ ଅସ୍ତ୍ରୋପଚାର ସଫଳ ହୋଇ ନ ଥିବା ଜାଣିବାକୁ ପାଇଥିଲ । ଏ ସଂକ୍ରାନ୍ତରେ ସିମୁଳିଆ ସ୍ୱାସ୍ଥ୍ୟକେନ୍ଦ୍ରରେ ଅଭିଯୋଗ କରିଥିଲେ। ଅସ୍ତ୍ରୋପଚାର ସଫଳ ହୋଇ ନ ଥିବାରୁ ପୁନର୍ବାର ଅସ୍ତ୍ରୋପଚାର ପାଇଁ ପରାମର୍ଶ ଦେଇଥିଲେ ଡାକ୍ତର। ପରେ ମନୋରମା ଏକ ଘରୋଇ ମେଡିକାଲରେ ଅସ୍ତ୍ରୋପଚାର କରିଥିଲେ। ହେଲେ ସରକାରଙ୍କ ତରଫରୁ ବୀମା ଟଙ୍କା ପାଇବା ପାଇଁ ବ୍ୟବସ୍ଥା ଥିବାବେଳେ ଦୁଇ ବର୍ଷ ଧରି ଦୌଡ଼ି ଦୌଡ଼ି ନୟାନ୍ତ ହୋଇଥିଲେ ମଧ୍ୟ ଏପର୍ଯ୍ୟନ୍ତ ଟଙ୍କା ପାଇବାରୁ ବଞ୍ଚିତ ଅଛନ୍ତି ମନୋରମା। ତୁରନ୍ତ ବୀମା ଟଙ୍କା ଯୋଗାଇ ଦେବାକୁ ସରକାରଙ୍କୁ ସେ ଅନୁରୋଧ କରିଛନ୍ତି। ଅନ୍ୟପଟେ ସିମୁଳିଆ ସ୍ଵାସ୍ଥ୍ୟକେନ୍ଦ୍ର ଅଧିକାରୀ ଡା. ସନ୍ତୋଷ କୁମାର ସାହୁଙ୍କୁ ଯୋଗାଯୋଗ କରିବାରୁ ଘଟଣାର ତୁରନ୍ତ ସମାଧାନ ହୋଇଯିବ ବୋଲି ପ୍ରକାଶ କରିଛନ୍ତି।
Popular Categories
Previous article
Next article