ରାଉରକେଲା: କାୟା ମେଲାଇବାରେ ଲାଗିଛି କରୋନା। ଆଜି ଲାଠିକଟା ବ୍ଲକ ଅନ୍ତର୍ଗତ ଜଲଦା ସି ବ୍ଲକ ପଂଚାୟତ ୱାର୍ଡ ନମ୍ବର ୧୨ରେ ଜଣେ ମହିଳା କରୋନା ପଜେଟିଭ ଚିହ୍ନଟ ହେବା ପରେ ସଂପୃକ୍ତ ଅଂଚଳରେ ବସବାସ କରୁଥିବା ବାସିନ୍ଦାମାନଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି। ଜଲଦା ସରପଂଚ ଜାତୃ ଓରାମ ଓ କାର୍ୟ୍ୟ ନିର୍ବାହୀ ଅଧିକାରୀ ଘାସିରାମ ମହାନ୍ତ ଧନଜୀବନର ସୁରକ୍ଷାକୁ ଦୃଷ୍ଟିରେ ରଖି ୱାର୍ଡ ନଂ ୧୨, ୧୩, ୧୭, ୧୯, ୨୧ ଏବଂ ୨୨ ଅଂଚଳକୁ ଜୁଲାଇ ୨୬ ତାରିଖ ସଂଧ୍ୟା ୫ଟା ପର୍ୟ୍ୟନ୍ତ ସଟଡାଉନ ଘୋଷଣା କରିଛନ୍ତି।
ଏହି ସଟଡାଉନ ସମୟ ମଧ୍ୟରେ ଔଷଧ ଦୋକାନ ଏବଂ ମେଡ଼ିକାଲ କାମରେ ଯାଉଥିବା ଲୋକଙ୍କୁ କୋହଳ କରାଯିବ। ଯଦି କୌଣସି ଜରୁରୀକାଳୀନ ପରିସ୍ଥିତିରେ ଜଲଦା ସରପଂଚ ଜାତୃ ଓରାମଙ୍କୁ ମୋବାଇଲ ନଂ୭୯୭୮୨୯୫୪୫୨ ଏବଂ ଗ୍ରାମ ପଂଚାୟତ ଅଧିକାରୀ ଘାସିରାମ ମହାନ୍ତଙ୍କୁ ମୋବାଇଲ ନଂ ୯୪୩୭୨୪୫୪୩୭ରେ ଯୋଗାଯୋଗ କରିବାକୁ ଅନୁରୋଧ କରାଯାଇଛି।
