ରେଙ୍ଗାଲିକ୍ୟାମ୍ପ : ନାରୀ ସଶକ୍ତିକରଣ ବର୍ଷ ୨୦୨୪/୨୫ ପାଇଁ ବରଗଡ ଜିଲା ବିଜେପୁର ବ୍ଲକରେ ହେବାକୁ ଥିବା ୧୦୮ କୁଣ୍ଡୀୟ ଯଜ୍ଞ ରାଷ୍ଟ୍ର ଜାଗରଣ ଅଭିଯାନ ପାଇଁ ଗାୟତ୍ରୀ ତୀର୍ଥ ଶାନ୍ତିକୁଞ୍ଜରୁ ଶକ୍ତି କଳସ ଆସି ଆଜି ଅତାବିରାରେ ପହଞ୍ଚିଛି । ଏହି ଶକ୍ତି କଳସକୁ ନିମନ୍ତ୍ରଣ କରିବା ପାଇଁ ବରଗଡ ଜିଲା ଗାୟତ୍ରୀ ପରିବାରରୁ ୭୦ ଜଣ କର୍ମକର୍ତ୍ତା ଶ।ନ୍ତିକୁଞ୍ଜକୁ ଯାଇଥିଲେ । ଗୋଟିଏ ମାସ ପୂର୍ବରୁ ଏହି ଶକ୍ତି କଳସ ବାହାରି ପ୍ରଥମେ ବିଜେପୁର ଓ କ୍ରମେ ସୋହେଲା, ବରପାଲି ବ୍ଲକ୍ ପରିକ୍ରମା କରି ଆଜି ଅତାବିରା ବ୍ଲକରେ ପହଞ୍ଚିଛି । ଏହି ଶକ୍ତି କଳସକୁ ଅତାବିରା ମହାବିଦ୍ୟାଳୟ ସମ୍ମୁଖରେ ବ୍ଲକ୍ ଗାୟତ୍ରୀ ପରିବାର ପକ୍ଷରୁ ଭବ୍ୟ ସ୍ବାଗତ ଜଣାଯାଇଥିଲା । ଆଜିଠାରୁ ୧୧ ତାରିଖ ପର୍ଯ୍ୟନ୍ତ ଅତାବିରା ବ୍ଲକର ସମସ୍ତ ପଞ୍ଚାୟତକୁ ଏହି ଶକ୍ତି କଳସ ପରିକ୍ରମା କରିବାର କାର୍ଯ୍ୟକ୍ରମ ରହିଛି। ବିଜେପୁରରେ ଆସନ୍ତା ଜାନୁଆରୀ ୨ ତାରିଖରୁ ୫ ତାରିଖ ପର୍ଯ୍ୟନ୍ତ ହେବାକୁ ଥିବା ୧୦୮ କୁଣ୍ଡୀୟ ଯଜ୍ଞର ନିମନ୍ତ୍ରଣ, ଶକ୍ତି କଳସର୍ ଦର୍ଶନ ଓ ଯୁଗ ନିର୍ମାଣର ମହାନ୍ ଉଦ୍ଦେଶ୍ୟ ନେଇ ଏହି ଶକ୍ତି କଳସ ପରିକ୍ରମା କରାଯାଉଛି। ଆସନ୍ତା ଡ଼ିସେମ୍ବର ୨୫ ତାରିଖରେ ଏହି ଶକ୍ତି କଳସ ବାହୁଡିଯିବ ଶାନ୍ତିକୁଞ୍ଜ ବୋଲି ପରିବାର ପକ୍ଷରୁ ଜଣାପଡିଛି ।
Comments are closed.