ଭାରସାମ୍ୟ ହରାଇ ଗଛକୁ ପିଟିଲା ସ୍କୁଟି , ସ୍କୁଟି ଚାଳକ ମୃତ

ଲାଞ୍ଜିଗଡ଼: କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଥାନା ଅନ୍ତର୍ଗତ ଚମ୍ପାଦେଇପୁର ନିକଟରେ ଏକ ସ୍କୁଟି ଭାରସାମ୍ୟ ହରାଇ ଗଛରେ ପିଟି ହେବା ଫଳରେ ସ୍କୁଟି ଚାଳକର ମୃତ୍ୟୁ ଘଟିଛି I ସୂଚନା ମୁତାବକ ଶନିବାର ଅପରାହ୍ନ ୪ ଘଣ୍ଟା ସମୟରେ ନର୍ଲା ଥାନା ଅନ୍ତର୍ଗତ ଡ଼ଙ୍ଗରମାଲ ଗାଁର ଜଗତରାମ ମାଝୀ (୫୦) କୌଣସି କାମ ପାଇଁ ସ୍କୁଟି ରେ ଲାଞ୍ଜିଗଡ ଯାଉଥିଲେ ଏବଂ ଚମ୍ପାଦେଇପୁର ନିକଟରେ ଭରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲେ ଏବଂ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା I

ଦୁର୍ଘଟଣା ପରେ ଆହତ ଅବସ୍ଥାରେ ରାସ୍ତାରେ ପଡ଼ିଥିବା ବେଳେ ନିକଟସ୍ଥ ଚମ୍ପIଦେଇପୁରର ସ୍ଥାନୀୟ ଲୋକେ ଆମ୍ବୁଲାନ୍ସ ଡକାଇ ଦୁର୍ଘଟଣା ସ୍ଥଳରୁ ଉଦ୍ଧାର କରି ବିଶ୍ୱନାଥପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ I ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ଜଗତରାମକୁ ମୃତ ଘୋଷଣା କରିଥିଲେ I ସୂଚନା ଖବର ପାଇ ଲାଞ୍ଜିଗଡ଼ ଥାନା ଅଧିକାରୀ ବିଜୟ ହିକକାଙ୍କ ନେତୃତ୍ୱରେ ଏସଆଇ ଏଲ ଆର ସେଠି ପହଞ୍ଚି ତଦନ୍ତ କରୁଥିବା ଜଣାପଡିଛି I ପରିବାର ଲୋକେ ପହଞ୍ଚି ନଥିଲେ ଏବଂ ସନ୍ଧ୍ୟା ହୋଇଯିବାରୁ ଶବ ବ୍ୟବଛେଦ ଆସନ୍ତା କାଲି ହେବ ଏବଂ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି I