ନୂଆଦିଲ୍ଲୀ: ଭାରତୀୟ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ଉପଭୋକ୍ତାଙ୍କ ପାଇଁ କିଛି ସମସ୍ୟା ଦେଖାଦେଇଛି । ମୋବାଇଲ୍ ବ୍ୟାଙ୍କିଂ ୟୋନୋ ଯୋଗୁ ଉପଭୋକ୍ତା ମାନେ କିଛି ସମସ୍ୟାର ସମ୍ମୁଖୀନ ହେଉଛନ୍ତି । ଗତକାଲି ଘଟଣାକୁ ନେଇ କିଛି ଉପଭୋକ୍ତା ଟ୍ୱିଟରରେ ଟ୍ୱିଟ୍ ମଧ୍ୟ କରିଥିଲେ । ପରେ ପରେ ଏସବିଆଇ ଏନେଇ ମଧ୍ୟ ତାର ପ୍ରତିକ୍ରିୟା ରଖିଥିଲା । ଏସବିଆଇ ତାର ଟ୍ୱିଟରେ କହିଛି କିଛି ବୈଷୟିକ ସମସ୍ୟା ଯୋଗୁ ଏପରି ଅସୁବିଧା ହୋଇଛି । ଏହି ସମସ୍ୟାର ସମାଧାନ ପାଇଁ ଚେଷ୍ଟା କରାଯାଉଛି ।
ଘଟଣାକୁ ନେଇ କିଛି ତଥ୍ୟ ସାମ୍ନାକୁ ଆସିଥିଲା । ୟୋନୋର ଉପଭୋକ୍ତାମାନେ ନିଜ ଫୋନରେ କିଛି ଭୁଲ ବିଜ୍ଞପ୍ତିକୁ ଆପଣାଇଥିଲେ ।
ପରେ ଯେତେବେଳେ ଶହ ଶହ ଏସବିଆଇ ୟୋନୋ ବ୍ୟବହାରକାରୀ ଟ୍ୱିଟରରେ ସେୟାର କରିଥିଲେ ସେତେବେଳେ ଏହି ଘଟଣା ସାମ୍ନାକୁ ଆସିଥିଲା । ଜଣେ ଟୁଇଟର ବ୍ୟବହାରକାରୀ ଲେଖିଛନ୍ତି, ୟୋନୋ ଏସବିଆଇ ଆପ୍ ମୋତେ ଲୋନ୍ ମାସେଜ୍ ଦେଇ ସ୍ପାମ୍ କରୁଛି । ଦୟାକରି ଏହାକୁ ଦେଖନ୍ତୁ ଏହା ମୋର ନାମ ନୁହେଁ । ଏଠାରେ କିଛି ନିଶ୍ଚୟ ଭୁଲ କାମ କରାଯାଉଛି । ଖାଲି ଏତିକି ନୁହେଁ ଏହିପରି ଅନେକ ଏସବିଆଇ ଉପଭୋକ୍ତା ଏପରି ଅଭିଯୋଗ ଆଣିଥିଲେ । ଅଭିଯୋଗ ଆସିବା ପରେ ଏସବିଆଇ ତାର ବିବୃତି ରଖିଥିଲା । ଯାନ୍ତ୍ରିକ ତ୍ରୁଟି ହେତୁ କିଛି ଉପଭୋକ୍ତା ୟୋନୋ ଲାଇଟ୍ ପ୍ରୟୋଗରେ ଭୁଲ ବିଜ୍ଞପ୍ତି ଗ୍ରହଣ କରୁଛନ୍ତି। ଏହି ସମସ୍ୟାର ଯଥାଶୀଘ୍ର ସମାଧାନ ପାଇଁ ଆମେ କାର୍ଯ୍ୟ କରୁଛୁ ବୋଲି ଏସବିଆଇ କହିଥିଲା ।
Comments are closed.