ପାଟଣା : ପାଟଣା ବନ ବିଭାଗ ଅଧୀନ ପାଟଣା ବ୍ଲକ ନିକଟରେ ସାମାଜିକ ବନୀକରଣ କାର୍ଯ୍ୟାଳୟ ପରିସରରୁ ଗତରାତି ଏକ ୧୫ ବର୍ଷର ପୁରୁଣା ଚନ୍ଦନ ଗଛ ଚୋରି ହୋଇଛି । ସେଠାରେ ରହୁଥିବା କର୍ମଚାରୀଙ୍କ କୋଠରୀ ବାହାରୁ ତାଲା ମାରି ଚୋର ମାନେ ଚନ୍ଦନ ଗଛ କାଟି ନେଉଥିବା କୋଠରୀରେ ରହୁଥିବା ବନ ବିଭାଗ ପାରା କର୍ମଚାରୀ ମହମ୍ମଦ ୱାସିମ ଫୋନ ଯୋଗେ ବନପାଳଙ୍କୁ ଜଣାଇବାରୁ ତତକ୍ଷଣାତ ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାର ଓ ବନପାଳ ପିଅନ ନାଏକ ଘଟଣାସ୍ଥଳକୁ ଯାଇଥିଲେ। ତେବେ ଏହି ଦୁଇ ଅଧିକାରୀ ଘଟଣାସ୍ଥଳରେ ପହଞ୍ଚିବା ପୂର୍ବରୁ ଚନ୍ଦନ ଗଛର ଗଣ୍ଡିକୁ ଚୋର ମାନେ ନେଇ ପଳାଇଥିବା ବେଳେ କେବଳ ଡାଳପତ୍ର ଗୁଡ଼ିକୁ ବନବିଭାଗ ଜବତ କରିଛି। ସୂଚନା ଯୋଗ୍ୟ ଯେ ଗତ ନଭେମ୍ବର ୧୬ ତାରିଖ ରାତି ପାଟଣା ମୁଖ୍ୟାଳୟ ଉଚ୍ଚ ବିଦ୍ୟାଳୟ ପରିସରରୁ ଗୋଟିଏ ଚନ୍ଦନ ଗଛ ଚୋରି ହୋଇଥିବାବେଳେ ମାତ୍ର ୨୨ ଦିନ ପରେ ଆଉ ଏକ ଚନ୍ଦନ ଗଛ ଚୋରି କରି ଚୋର ପାଟଣା ପୁଲିସକୁ ଚ୍ୟାଲେଞ୍ଜ ଦେବା ଭଳି ଘଟଣା ଘଟାଇଛନ୍ତି।
Comments are closed.