ରେଙ୍ଗାଲି: ସମ୍ବଲପୁର ଜିଲ୍ଲା ରେଙ୍ଗାଲି ବ୍ଲକ ଝାଙ୍କରପାଲି ଗ୍ରାମପଞ୍ଚାୟତର କୁସୁମଡିହିଠାରେ ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ମାନବ ଅଧିକାର ସେବା ସମିତି ପକ୍ଷରୁ ଶନିବାର ସଞ୍ଚୟ ମେଳା ୨୦୨୩ ଅନୁଷ୍ଠିତ ହୋଇଯାଇଛି। ସ୍ୱାବଲମ୍ବୀ ଓ ଆତ୍ମନିର୍ଭରଶୀଳ ମହିଳା ସମାଜ ଗଠନ ଉଦ୍ଦେଶ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଓଡ଼ିଶା ଜୀବିକା ମିଶନ ଜିଲ୍ଲା ପରିଚାଳକ ପୁଷ୍ପଶ୍ରୀ ନାଏକ ମୁଖ୍ୟ ଅତିଥି ଓ ସାମ୍ବାଦିକ ଦୁର୍ଗାଶଙ୍କର ବାଗ ମୁଖ୍ୟ ବକ୍ତା ରୂପେ ଯୋଗ ଦେଇଥିଲେ। ରେଙ୍ଗାଲି ବ୍ଲକ କୃଷି ଅଧିକାରୀ ବ୍ୟୋମକେଶ ମିଶ୍ର, ଓଏଲ୍ ଏମ୍ ରେଙ୍ଗାଲି ବ୍ଲକ ସଂଯୋଜକ ଜପାମାଳି ଭୋସାଗର, ଝାଙ୍କରପାଲି ସରପଞ୍ଚ ସୁଶାନ୍ତ କୁମାର ସାହୁ, ଟାମ୍ପରକେଲା ସରପଞ୍ଚ ଚିତମ୍ବନୀ ସାହୁ, ବିପିଏମ୍ କୃଷ୍ଣଚନ୍ଦ୍ର ନାଏକ ପ୍ରମୁଖ ସମ୍ମାନିତ ଅତିଥି ରୂପେ ଯୋଗଦେଇ ମହିଳାମାନେ କିପରି ସରକାର କାର୍ଯ୍ୟକାରୀ କରୁଥିବା ବିଭିନ୍ନ ଯୋଜନାରେ ସାମିଲ ହୋଇ ଆତ୍ମନିର୍ଭରଶୀଳ ଓ ସ୍ବାବଲମ୍ବୀ ହୋଇପାରିବେ ସେ ସଂକ୍ରାନ୍ତୀୟ ବିଭିନ୍ନ ଦିଗ ଉପରେ ଆଲୋକପାତ କରିଥିଲେ। ରେଙ୍ଗାଲି, ମାନେଶ୍ଵର ଓ ଯୁଯୁମୁରା ବ୍ଲକର ୧୧ଜଣ ସଫଳ ଉଦ୍ୟୋଗୀ ସେମାନଙ୍କ ଅନୁଭୂତି ବର୍ଣ୍ଣନା କରିଥିଲେ।
Comments are closed.