ସମ୍ବଲପୁର : ପୂର୍ବତଟ ରେଳବାଇ ଅର୍ନ୍ତଗତ ସମ୍ବଲପୁର ରେଳ ମଣ୍ଡଳ ଅଧିନସ୍ଥ ଆମ୍ବୋଡଲା ଓ ଥେରୁବାଲି ଷ୍ଟେସନ ଗୁଡିକରେ ୨ଟି ଯାତ୍ରୀବାହୀ ରେଳଗାଡି ଗୁଡିକର ପରୀକ୍ଷାମୂଳକ ରହଣିର ବ୍ୟବସ୍ଥା କରାଯାଇଛି। ରେଳବାଇ ପକ୍ଷରୁ ଜାରି ସୂଚନାନୁ୍ଯାୟୀ, ଯାତ୍ରୀଙ୍କ ଦାବି ଓ ସୁବିଧାକୁ ଧ୍ୟାନରେ ରଖି ରେଳବାଇ ପକ୍ଷରୁ ରେଳଗାଡି ସଂଖ୍ୟା ୧୨୮୦୭/୧୨୮୦୮ ବିଶାଖାପଟନମ – ନିଜାମୁଦ୍ଦିନ – ବିଶାଖାପଟନମ ସମତା ଏକ୍ସପ୍ରେସ ଆମ୍ବୋଡଲା ଷ୍ଟେସନରେ ବିଶାଖାପଟନମରୁ ନିଜାମୁଦ୍ଦିନ ଯାତ୍ରା ସମୟରେ ଦିନ ୧ଟା ୩୫ ମିନିଟରେ ପହଞ୍ଚି ୨ ମିନିଟର ରହଣି କରି ୧ଟା ୩୭ ମିନିଟରେ ଛାଡିବ। ସେହିଭଳି ଫେରବା ପଥରେ ଏହା ଦିନ ୧୦ଟା ୫୬ ମିନିଟରେ ପହଞ୍ଚି ୨ ମିନିଟର ରହଣି କରି ୧୦ଟା ୫୮ ମିନିଟରେ ଛାଡିବ। ସେହିଭଳି ରେଳଗାଡି ସଂଖ୍ୟା ୧୮୦୦୫ ହାୱଡା – ଜଗଦଲପୁର ସମଲେଶ୍ୱରୀ ଏକ୍ସପ୍ରେସ ଥେରୁବାଲି ଷ୍ଟେସନରେ ଦିନ ୨ଟା ୧୫ ମିନିଟରେ ପହଞ୍ଚି ୨ ମିନିଟର ରହଣି କରି ୨ଟା ୧୭ ମିନିଟରେ ଛାଡିବ। ଫେରିବା ପଥରେ ରେଳଗାଡି ସଂଖ୍ୟା ୧୮୦୦୬ ଜଗଦଲପୁର – ହାୱଡା ସମଲେଶ୍ୱରୀ ଏକ୍ସପ୍ରେସ ଦିନ ୧୧ଟା ୫୩ ମିନିଟରେ ପହଞ୍ଚି ୨ ମିନିଟର ରହଣି କରି ୧୧ଟା ୫୫ ମିନିଟରେ ଛାଡିବ।
Comments are closed.