ସମ୍ବଲପୁର : ସମ୍ବଲପୁର ଅବକାରୀ ବିଭାଗ ଦ୍ବାରା ବ୍ୟାପକ ପରିମାଣର ନକଲି ବିଦେଶୀ ମଦ ଷ୍ଟିକର, ଠିପି ଜବତ କରାଯାଇ ସମ୍ପୃକ୍ତ ଘଟଣାରେ ୭ଜଣକୁ ଗିରଫ କରାଯାଇଛି । ଗତକାଲି ବିଶେଷ ସୁତ୍ରରୁ ଖବର ପାଇଁ ଅବକାରୀ ବିଭାଗର ଅଧିକ୍ଷକ ଡମ୍ୱରୁଧର ଖଣ୍ଡଙ୍କ ନିର୍ଦେଶରେ ସମ୍ବଲପୁର ସଦର ଶାଖା ତରଫରୁ ସହରର ଦେଉଳ ବନ୍ଧ ଠାରେ ଏକ ସ୍ଥାନରେ ଚଢାଉ କରାଯାଇ ନକଲି ମଦକୁ ସିଲ କରିବା ପାଇଁ ବ୍ୟବହୃତ ବିପୁଳ ମାତ୍ରାର ଷ୍ଟିକର ଓ ଠିପି ଜବତ କରାଯାଇଥିଲା ।
ଏହି ଘଟଣାରେ ସଂପୃକ୍ତ ଥିବା ଅଭିଯୁକ୍ତଙ୍କୁ ଜେରା କରିବା ପରେ ସମ୍ବଲପୁର ଅବକାରୀ ବିଭାଗ ଓ ଅବକାରୀ ଗୁଇନ୍ଦା ବିଭାଗ ତରଫରୁ ଝାରସୁଗୁଡା, ସମ୍ବଲପୁର ଓ ବରଗଡରେ ଜିଲ୍ଲାରେ ଚଢାଉ କରାଯାଇ ୮୭୭୧୫ ଠିପି, ୮୬୨୩୩ ଇଏଲ୍ ବା ଷ୍ଟିକର, ୩୮ ଲିଟର ନକଲି ବିଦେଶୀ ମଦ ଜବତ କରାଯାଇଛି । ଏହି ଘଟଣାରେ ୭ ଜଣକୁ ଗିରଫ କରାଯାଇଛି । ଏହି ନକଲି ମଦ କଲିକତାରୁ ଆସୁଥିବା ବେଳେ ନକଲି ମଦ ତିଆରିରେ ବ୍ୟବହୃତ ସମସ୍ତ ସାମଗ୍ରୀ ସହ ଏଠାରେ ନକଲି ମଦକୁ ପ୍ରସ୍ତୁତ କରାଯାଉଥିଲା । ଏହି ନକଲି ମଦକୁ ପ୍ରସ୍ତୁତ କରାଯାଇ ମୁଖ୍ୟତଃ ଗ୍ରାମାଞ୍ଚଳରେ ବେନିୟମ ଭାବରେ ବିକ୍ରି କରାଯାଉଥିବା ସୁଚନା ଦେଇଛି ଅବକାରୀ ବିଭାଗ । ତେବେ ଅବକାରୀ ବିଭାଗ ଏନେଇ ବିଶେଷ ସୁତ୍ରରୁ ଖବର ପାଇଁ ଏହି ବ୍ୟାପକ ପରିମାଣର ନକଲି ମଦକୁ ଜବତ କରିବା ସହ ୭ ଅଭିଯୁକ୍ତଙ୍କୁ ଗିରଫ କରାଯାଇଛି । ସମସ୍ତ ଅଭିଯୁକ୍ତ ମାନଙ୍କୁ ଆଜି ଅଦାଲତକୁ ଚାଲାଣ କରାଯାଇଛି।
ଅବକାରୀ ବିଭାଗର ଚଢାଉ ; ନକଲି ବିଦେଶୀ ମଦ ଜବତ , ୭ ଗିରଫ
Popular Categories
Previous article
Next article