ଭୁବନେଶ୍ଵର: ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ଶ୍ରାଦ୍ଧୋତ୍ସବ ଅବସରରେ ‘ସମାଜ’ ପକ୍ଷରୁ ସେବା ଓ ସେବକ ସପ୍ତାହରେ ରକ୍ତଦାନ ଶିବିର ଓ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କଳ୍ପନାସ୍ଥିତ ଲାଲ ବାହାଦୁର କ୍ଲବଠାରେ ଆୟୋଜିତ ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ବିଧାୟକ ପ୍ରଶାନ୍ତ ଜଗଦ୍ଦେବ, ଭୁବନେଶ୍ୱର ମେୟର ସୁଲୋଚନା ଦାସ, ଭୁବନେଶ୍ୱର ଉତ୍ତର ବିଧାୟକ ବାବୁ ସିଂ, ବିଜେପି ନେତା ଜଗନ୍ନାଥ ପ୍ରଧାନ ପ୍ରମୁଖ ଯୋଗ ଦେଇଥିଲେ। ନିୟମିତ ରକ୍ତଦାନ ସହ ବୃକ୍ଷରୋପଣ କରିବା ଉପରେ ସମ୍ପୃକ୍ତ ବ୍ୟକ୍ତିବିଶେଷ ଗୁରୁତ୍ୱାରୋପ କରିଥିଲେ।
ଆୟୋଜିତ ଏହି କାର୍ଯ୍ୟକ୍ରମରେ ‘ସମାଜ’ର ମୁଦ୍ରାକର ଓ ପ୍ରକାଶକ ରାଜେନ୍ଦ୍ର ଜେନା, ସମ୍ପାଦକ ତପନ କୁମାର ମିଶ୍ର, ଯୁଗ୍ମ ମହାପ୍ରବନ୍ଧକ ପ୍ରିୟବ୍ରତ ମହାନ୍ତି, ପ୍ରମୁଖ ସମ୍ବାଦଦାତା ପ୍ରସନ୍ନ କୁମାର ପତି, ଭୁବନେଶ୍ଵର ଶାଖା ମୁଖ୍ୟ ଗୋପୀନାଥ ବାରିକ ପ୍ରମୁଖ ଉପସ୍ଥିତ ଥିଲେ।
